BAYMAX 23

Wednesday, December 12, 2018

តើការសំលាប់ខ្លួនជាជំរើសល្អមែនទេ?

   សួស្តីមកទៀតហើយព្រោះតែថ្ងៃនេះទំនេរពេកក៏ចង់សរសេរបន្ថែមអត្ថបទមួយទៀត។ ដោយសារតែលេង FACEBOOK រាល់ថ្ងៃជួបនៅរឿងក៏ដូចជាព័ត៌មានបញ្ចប់ជីវិតច្រើនពេលទើបចង់លើកយករឿងនេះមកសរសេរតែម្តងទៅ។ តើការបញ្ចប់ជីវិតខ្លួនឯងជាជំរើសក៏ដូចជាដំណោះស្រាយដ៏ល្អដើម្បីបញ្ចប់បញ្ហាមែនទេ?
   សព្វថ្ងៃឃើញព័ត៌មានច្រើនមែនទែនសឹងតែរាល់ថ្ងៃដែលចុះផ្សាយអំពីការធ្វើសំលាប់ខ្លួនឯង ហើយការសំលាប់ខ្លួនមានច្រើនប្រភេទដូចជា ការលោតទឹក ការចងក ការលេបថ្នាំពុល ការបាញ់សំលាប់ខ្លួនឯងជាដើម។ ចំណែកអ្នកខ្លះទៀតគឺគ្រាន់តែធ្វើបាបខ្លួនឯងដូចជាយកកំបិតមកចាក់រាយកាយ អ្នកខ្លះយកលាមមកឆូតដៃឆូតមុខហើយអ្នកដែលប្រព្រឹត្តអំពើល្ងង់ក្លៅបែនេះភាគច្រើនតែងតែជួបវិបត្តិស្នេហា ប៉ុន្តែយ៉ាងណាក៏នៅមានជីវិតដែរ។ អ្នកដែលសំលាប់ខ្លួនភាគច្រើនគឺតែងតែមានវិបត្តិធ្ងន់ធ្ងរដោះស្រាយមិនចេញ អ្នកខ្លះក៏ជួបវិបត្តិហិរញ្ញវត្ថុ អ្នកជួបវិបត្តិស្នេហា អ្នកខ្លះក៏សំលាប់ខ្លួនគ្រាន់តែបញ្ឈឺរអ្នកដទៃដើម្បីអោយគេមានការសោកស្តាយតែប៉ុណ្ណោះ។ ខ្ញុំដឹងអ្នកដែលជួបវិបត្តិផ្លូវចិត្តមានការគិតមិនដូចមនុស្សធម្មតាទេ ពួកគេមិនដែលដេកលក់ស្រួលទេ រស់ក្នុងការភ័យខ្លាច បើសិនជាដេកលក់វិញក៏ជួបសុបិនអាក្រក់ដែល ប៉ុន្តែពួកគេគួរតែទៅជួបពេទ្យជំនាញវិកលចរិតដើម្បីជួយស្រាយ ជួយពន្យល់ ព្រឹក្សាដល់ពួកគេ។ ខ្ញុំអាចយល់ពីអ្នកជួបវិបត្តិផ្លូវចិត្ត ព្រោះខ្ញុំផ្ទាល់ក៏ធ្លាប់មានវិបត្តិផ្លូវចិត្តដែរ ពេលនោះគឺពិតជាពិបាករស់ខ្លាំងណាស់ គ្មានយប់ណាដែលខ្ញុំដេកលក់ទេ ពេលដែលខ្ញុំបិតភ្នែកខួក្បាលខ្ញុំមិនដឹងជាគិតអ្វីខ្លះទេ ពេលខ្លះខ្ញុំមានអារម្មណ៍ថាខ្លួនឯងកំពុងនិយាយតបទៅអ្នកម្នាក់អ៊ីចឹង ខ្ញុំតែងតែគិតផ្តេសផ្តាស តែងតែគិតរឿងដដែលៗ តែងតែប្រៀបធៀបខ្លួនឯងជាមួយអ្នកដទៃ និយាយទៅពេលហ្មឹងពិតជាពិបាកមែនទែន បើខ្ញុំមិនបានជួបពេទ្យជំនាញទេ ខ្ញុំមិនដឹងថាខ្លួនឯងពេលនេះយ៉ាងម៉េចយ៉ាងម៉ាទេ អ្នកខ្លះអាចក្លាយជាសរសៃប្រសាទ អ្នកខ្លះអាចសំលាប់ខ្លួនជាដើម។ អ៊ីចឹងហើយបើអ្នកគិតថាខ្លួនឯងមានវិបត្តិផ្លូវចិត្តគួរតែទៅជួបពេទ្យដើម្បីពិគ្រោះយោបល់ដើម្បីអាចដោះស្រាយទាន់ទេ កុំទុកអោយវារាលដាលកាន់តែខ្លាំងជំងឺមួយនេះសាហាវខ្លាំងណាស់មិនមែនតូចតាចដូចអ្នកគិតទេ ហើយបើមានមិត្តភក្តិដែលកុំពុងជួបវិបត្តិ អ្នកគួរព្យាយាមពន្យល់គេ លើកទឹកចិត្ត លួងលោម សួរនាំគេអោយគេនិយាយចេញនៅទុក្ខវិបត្តិដើម្បីអោយគេបានធូរសប្បើយ នាំគេទៅជួបពេទ្យជាដើម កុំព្យាយយាមនិយាយបញ្ឈឺគេព្រោះអ្នកជំងឺប្រភេទនេះត្រូវការអ្នលផ្តល់កំលាំងចិត្ត អ្នកជំងឺនេះគិតវែងឆ្ងាយឆ្ងាយរហូតរឿងមិនទាន់ជួបផងព្យាករណ៍លទ្ទផលបាត់ទៅហើយ តែបើគិតខ្លីវិញគឺទៅសំលាប់ខ្លួនភ្លាមៗតែម្តង។ ចំពោះអ្នកដែលរួចពីការស្លាប់ អ្នកខ្លះព្យាយាមសំលាប់ៗខ្លួនម្តងហើយម្តងទៀត អ្នកខ្លះវិញដូចកើតវិញម្តហទៀតអ៊ីចឹង។
   សុំទោសផងបើខ្ញុំសរសេរមានការខុសឆ្គងអ្វី ព្រោះខ្ញុំមិនជំនាញតែងនិពន្ធអ្វីទេ គ្រាន់តែគិតភ្លាមសរសេរភ្លាម អត់បានព្រាងទុកអ្វីនោះទេ។ បាយ បាយ 😅 ៕

Saturday, December 8, 2018

បញ្ជីបំណងប្រាថ្នា សំរាប់ឆ្នាំ ២០១៩

Chhay Sam Ol Dara 11:58 AM WISHLIST , បញ្ជីបំណងប្រាថ្នា 0 Comments

សួស្តីអ្នកទាំងអស់គ្នា! ដោយសារតែថ្ងៃនេះមិនសូវមានអតិថិជន អ៊ីចឹងរាងទំនេរច្រើន ចង់សរសេរអត្ថបទមួយដើម្បីកុំអោយអផ្សុកពេក។ កាលពីអត្ថបទមុនខ្ញុំបានសរសេរពីអត្ថបទមួយដែលទាក់ទងនិង សម្ភារៈនិយម ខ្ញុំបាននិយាយថាមិនត្រូវការវាទេ ប៉ុន្តែថ្ងៃនេះខ្ញុំចង់សរសេរអំពីរបស់ដែលខ្ញុំចង់ទិញនៅឆ្នាំ 2019 វិញដែកអង់គ្លេសគេហៅថា WISHLIST ។
និយាយទៅរបស់ល្អរបស់ថ្មីអ្នកណាមិនស្រលាញ់ អ្នកណាមិនចង់បានព្រោះវាបានបន្ទាន់សម័យ ( UPDATE ) នៅបច្ចេកវិទ្យាថ្មីដើម្បីសំរបទៅនឹងសម័យបច្ចុប្បន្ន។ អ៊ីចឹងហើយអ្នកក៏ស្រលាញ់អ្នកណាក៏ប្រាថ្នាចង់បានដែរ ប៉ុន្តែយើងត្រូវមានដែនកំណត់ យើងត្រូវរបស់ណាដែលមានតំរូវការខ្លាំងយកមកប្រើដើម្បីកុំអោយខ្ជះខ្ជាយលុយព្រោះវារកមកដោយលំបាក មិនមែនគ្រាន់តែដេកលុយហោះមករកយើងទេ :-D ។ ខ្ញុំក៏ដូចគ្នា ខ្ញុំក៏មានរបស់ដែលខ្ញុំស្រលាញ់នឹងចង់ទិញក្នុងឆ្នាំ 2018 នេះដែរ តែបានទិញឬអត់វាអាស្រ័យទៅលើលុយដែលរកបានអ៊ីចឹងបើទិញមិនបានក៏មិនជាបញ្ហាដែរព្រោះរបស់នោះនឹងចេញនៅឆ្នាំ 2019 ជាមួយនិងបច្ចេកវិទ្យាថ្មីបន្ថែមទៀត។ ដូចពាក្យមួយបាននិយាយថា ថ្ងៃនេះអ្នកទិញរបស់មិនត្រូវការថ្ងៃក្រោយអ្នកប្រាកដជាលក់របស់ដែលត្រូវការជាមិនខាន ក្នុងឆ្នាំ 2019 ។ យ៉ាប់ណាស់ចង់បានរបស់ច្រើនតែអត់លុយ មានតែសរសេរអត្ថបទលេងៗទៅ ខ្លាចភ្លេច វីវរពេលដែលមានលុយភ្លេចរបស់ដែលចង់ទិញពិបាកត្រូវរកនឹកម្តងទៀតប្រើពេលយូរ :-D ។ អ៊ីចឹងរបស់ដែលខ្ញុំចង់បានមានដូចជា

- GoPro Hero 7 BLACK

GoPro Hero 7 Black

- Zhiyun Smooth 4

- Samsung Galaxy Watch

- មួកសុវត្ថិភាព

- Logitech G29 Driving Force

- ស្បែកជើងកីឡា

អស់ហើយចង់បានតែប៉ុណ្ណឹងទេ ចង់បានច្រើនពេកនាំតែខកចិត្តស្អិតទ្រូងព្រោះអត់លុយ ហើយសង្ឃឹមថាខ្លួនឯងអាចមានលុយទិញវាមកប្រើ គ្រាន់បំពេញចំណង់ បើទិញមិនបានក៏អត់បញ្ហាធ្វើម៉ិចបើអត់លុយទៅរកពីណាម៉ោ :-D លាហើយជួបគ្នាអត្ថបទក្រោយៗទៀត៕

Friday, December 7, 2018

Toy Story 4

Chhay Sam Ol Dara 11:21 AM Toy Story , អត្ថបទថ្មីៗ 0 Comments

បន្ទាប់ពីការរង់ចាំ និងការលើកថ្ងៃបញ្ចាំងរឿង Toy Story 4 ជាច្រើនឆ្នាំមកពេលនេះ Disney និង Pixar បានដាក់ថ្ងៃបញ្ចាំងច្បាស់លាស់ហើយគឺក្នុងអំឡុងខែមិថុនា ឆ្នាំ 2019។ វាពិតជាធ្វើអោយខ្ញុំខឹងមែនទែនដែលលើកថ្ងៃបញ្ចាំងរហូតដល់ទៅ 2ឆ្នាំ ឯណោះដែលកាលបង្ហាញនៅ D23 គឺប្រាប់ថាឆ្នាំ2017 ស្រាប់តែលើកមក2019 :-( ហើយវាទៅចេញរឿង Car 3 ឯណាឆ្កុយចឹងទៅ ធ្វើអោយខ្ញុំរង់ចាំអស់ពេលយ៉ាងយូរ។
ខ្ញុំមិនយល់សោះមនុស្សភាគច្រើន មិនចង់បានវគ្គ4 នេះទេដោយគេលើកមតិថា អាវគ្គ3 គឺល្អគ្រប់គ្រាន់ណាស់ហើយ ដោយវាបានបញ្ចប់ដោយ ANDY បានអោយតុក្កតាទាំងអស់អោយទៅក្មេងស្រីឈ្មោះថា BONNIE ដែលជាក្មេងស្រីល្អម្នាក់ដែលអាចលេងជាមួយពួកគេបាន ហើយមុននិងចាកចេញ WOODY ថែមទាំងពោលពាក្យមួយទៅ ANDY ថា So Long Partner ពិតជាធ្វើអោយអ្នកទស្សនាអួលដើមកគ្រប់ៗគ្នាហើយអ្នកក៏ស្រក់ទឹកភ្នែកផងក៏មិនដឹង។ ចំណោះរឿងនេះដែរវាមិនសូវធ្វើអោយខ្ញុំរំជួលចិត្តប៉ុន្មានទេ ហើយរឿងដែលធ្វើអោយខ្ញុំស្រក់ទឹកភ្នែកយ៉ាងច្រើនគឺរឿង The Good Dinosaur ដែលនិយាយអំពីទំនាក់ទំនងរវាង Arlo និង Spot :-( ។ រឿង Pixar ភាគច្រើនកំសត់ៗហ្អា និងមានតំលៃអប់រំល្អទៀត ចំណែកឯរឿងថ្មីនេះវិញតួរអង្គដែលបញ្ចូលសំលេង WOODY បានបញ្ជាក់ថា រឿងនេះគឺកំសត់ជាងរឿងមុនមែនទែនតែម្តងអ៊ីចឹងហើយទស្សនិកជនគួរតែរង់ចាំទស្សនាប្រសើរជាងរិះគន់។ រឿងនេះដែលក៏ជារឿងដែលយូរជាងគេមួយផងដែរ ដោយទាំង4 វគ្គ ប្រើពេលអស់ 24 ឆ្នាំដើម្បីទស្សនាមិនមែនលំៗទេណា :-D រឿងទី 1 ចេញផ្សាយនៅឆ្នាំ 1995 ដែលពេលនោះ ANDY នៅក្មេងហើយបានទទួលការដូរតុក្កតាថ្មីមួយគឺគឺ BUZZ ដែលដំបូង WOODY ច្រណែនដែល ANDY ស្រលាញ់ BUZZ ជាង WOODY ហើយពួកគេបានឆ្លងកាត់រឿងជាច្រើនបានធ្វើអោយពួកគេដឹងថា ANDY គឺស្រលាញ់តុក្កតាស្មើរៗគ្នា។ ចំណែកវគ្គ2វិញ ចេញនៅឆ្នាំ 1998 ដែលនិយាយពីដំណើរផ្សងព្រេងគេចចេញពីការយករូបគេទៅដាក់នៅក្នុងសារៈមន្ទីរនៅប្រទេសជប៉ុនហើយពេលនៅ ANDY បានទទួល តុក្កតាចំនួន 2 បន្ថែមទៀតគឺ JESSIE និង BULLSEYE ។ ចំណែកវគ្គ 3 វិញអេសអេស :-D ចេញផ្សាយនៅ ឆ្នាំ 2009 និយាយពីពេលដែល ANDY វ័យជំទង់រៀបផ្លាស់ទីលំនៅទៅរៀននៅសកលវិទ្យាល័យ ហើយបានប្រគល់តុក្តាតាជាទីស្រលាញ់របស់គេទាំងអស់អោយទៅ BONNIE ។

មិនមែនលំៗទេរង់ចាំតាំងពីឆ្នាំ 2015 រឿងចេញនៅឆ្នាំ 2019 :-D
ហើយអារឿងដែល Coming Soon ចេញមុនអស់សាំហ្មង

អ៊ីចឹងចង់ដឹងថាវគ្គ 4 វិញមានសាច់រឿងយ៉ាងណាមានតែរង់ចាំទស្សនាទាំងអស់គ្នាទេដែល Trailer ខ្ញុំគិតថាអាចនិងចេញនៅខែ មិនា ឆ្នាំ 2019 ព្រោះជារឿងៗ រឿងដែលបញ្ចាំងនៅខែមិថុនា Pixar តែងតែទំលាក់ Trailer នៅខែមិនា ហើយ ទំលាក់ Teaser នៅខែវិច្ឆិកា។ ដល់ថ្ងៃហ្នឹងទៅមើលទាំងអស់គ្នាណា :-* ៕ តោះទៅមើល Teaser និង Reaction Teaser ទាំងអស់គ្នា

សម្ភារៈនិយម

Chhay Sam Ol Dara 9:20 AM កំណត់ហេតុខ្ញុំ , ប្អូន 0 Comments

សួស្តីមិត្តភក្តិជាទីស្រឡាញ់! ថ្ងៃនេះមកសរសេរអត្ថបទបន្ថែមមួយទៀតហើយ ហើយថ្ងៃនេះដែរខ្ញុំរើសយកអត្ថបទដែលនិយាយអំពីសម្ភារៈនិយមមកសរសេរ ដោយសារតែគ្រួសារខ្ញុំគាត់ទើបតែទិញម៉ូតូថ្មីអោយប្អូន។
ចាប់តាំងពីធំដឹងក្តីមកអ្នកណាៗក៏តែងតែចង់បានរបស់ថ្មីមកប្រើប្រាស់ដែរដើម្បីបង្ហាញអោយគេគ្រប់គ្នាឃើញថា ម្នាក់នោះឡូយហ្អា កូននោះឡូយហ្អា ដើម្បីអោយគេសរសេើរ។ វាជាការល្អដែលទិញសម្ភារៈថ្មីចូលផ្ទះសម្បែង អ្នកណាក៏ចង់បានរបស់ថ្មីៗមកប្រើដែរ ប៉ុន្តែយើងត្រូវមើលលើសមត្ថភាពខ្លួនឯងដែរ តើយើងទិញរបស់ថ្មីបានទេ បើគ្រួសារយើងកំពុងតែពិបាក តើយើងគួរសគាត់ទិញដែរឬទេ? តើយើងទិញវាមកដើម្បីអ្វីបើអារបស់ចាស់ដែលយើងប្រើប្រាស់វាអាចនៅប្រើបានហ្នឹង។ ខ្ញុំក៏ចង់អោយប្អូនមានរបស់ល្អប្រើដែរ ខ្ញុំក៏ស្រលាញ់ប្អូនដែរ តែគ្រួសារខ្ញុំនៅមានបំណុលរកបានមកត្រឹមតែសងគេ ហើយឆ្លៀតទៅទិញម៉ូតូថ្មីទៀត វាដូចជាយកដើមរកស៊ីទៅចាយវាយខ្ជះខ្ជាយណាស់។ កាលពីម្សិលមិញគាត់បានទៅទិញម៉ូតូ ZOOMER X អោយប្អូនក្នុងតំលៃ 1800$ គាត់ចង់ភ្លាមគាត់ក៏ទៅទិញភ្លាម ខ្ញុំពិតជាមិនពេញចិត្តនិងការសំរេចចិត្តមួយនេះណាស់ ហើយម៉ូតូដែលទិញតាមពិតទិញអោយប្អូនទី3ទេ ប៉ុន្តែអាប្អូនវាឬកធំណាស់មាន ZOOMER គេទារក CLICK ថ្មីទៀតហើយ រសល់ថ្ងៃជិះម៉តូ 016 សោះ។ គេថាគេមិនយកទេ គេចង់បាន CLICK អ៊ីចឹងហើយគាត់ក៏អោយម៉ូតូហ្នឹងទៅប្អូនទី4 ប្អូនមួយហ្នឹងល្អមិនសូវចេះទាមទារអ្វីហ្នឹងគេទេ អោយតែបានប្រើបំពេញតំរូវការដែលខ្លួនខ្វះខាតគ្នាសប្បាយចិត្តណាស់ហើយ។ ចំណែកខ្ញុំវិញ មកដល់វ័យនេះអាយុ 27 ជិតចូល 28 ហើយមិនប្រាថ្នាសម្ភារៈអស់ហ្នឹងទៀតទេ ប្រាថ្នាចង់អោយតែគ្រួសារមានជីវភាពធូរធារ សងបំណុលគេអស់ ខ្ញុំសប្បាយចិត្តណាស់ហើយ។ ចំណែកឯសព្វថ្ងៃត្បិតថាជាកូនអ្នកលក់ទូរស័ព្ទមែន តែទូរស័ព្ទដែលខ្ញុំប្រើមិនលើស 200$ ទេ ប៉ុន្តែខ្ញុំប្រើដល់ទៅ 3 គ្រឿងឯណោះដោយសារតែតំរូវការខ្ញុំច្រើន ហើយទូរស័ព្ទដែលខ្ញុំប្រើមានដូចជា iPhone5, iPhone6, Galaxy S7 ខណៈកំពុងសរសេរនេះទូរស័ព្ទចេញដល់សេរី iPhone XS Max បើ SAMSUNG វិញចេញដល់ Galaxy Note 9 ហើយរបស់ដែលខ្ញុំប្រើពិតជាចាស់ពេកហើយតែវានៅស្រួលប្រើសំរាប់ខ្ញុំ 😁 ។ និយាយទៅឆ្នាំនេះគ្រួសារខ្ញុំចំណាយធំមែនទែន ចំណាយលើសមាឌហើយ 😔 គឺគាត់ទិញឡាន Prius 2005 មួយ ទិញ Camera Sony A6300 អោយខ្ញុំមួយ គាត់រៀប PC អោយប្អូនទី3 ខ្ញុំមួយ អស់ខ្ទង់ 1200$ ហើយទិញម៉ូតូថែមទៀត។ ខ្ញុំមិនចង់អោយប្អូនៗនិងក្រុមគ្រួសារក្លាយជាទាសករនៃសម្ភារៈទាំងនេះនោះទេ។

ជាចុងក្រោយខ្ញុំមានតែសង្ឃឹមថាមិត្តអ្នកអានមិនទាមទារអ្វីដែលលើសមាឌ លើសសមត្ថភាពខ្លួនឬក្រុមគ្រួសារនោះទេ កុំធ្វើអោយខ្លួនឯងពិបាក កុំធ្វើអោយគ្រួសារពិបាកដោយសារតែរបស់ទាំងនោះទេ។ ខ្ញនិយាយដូចនេះព្រោះខ្ញជួអតិថិជនម្នាក់គឺត្រូវបានកូនស្រីរបស់គាត់ទារគាត់អោយទិញទូរស័ព្ទថ្មីអោយ ដោយចិត្តស្រឡាញ់កូនស្រីម្តាយសុខចិត្តទៅបង់រំលោះគេដើម្បីបំពេញបំណងកូនស្រីដែលចង់បាន iPhobe 6+ 128GB ។ កុំធ្វើដូចក្មេងស្រីម្នាក់នោះ លុយពិបាករកណាស់ តែបើម៉ាក់ប៉ាយើងធូធារក៏សុំទៅ។ លាហើយអ្នកអានជាទីស្រឡាញ់ បាយបាយ៕

ជិតឆ្លងឆ្នាំហើយ មានគំរោងទៅណាទេ?

Chhay Sam Ol Dara 9:08 AM កំណត់ហេតុខ្ញុំ , ឆ្នាំថ្មី 0 Comments

   សួស្តី! ឥលូវនេះម៉ោង 11:35នាទីហើយខ្ញុំដេកមិនលក់ទេ អ៊ីចឹងហើយមានតែមកសរសេរអត្ថបទមួយបន្ថែមទៀតព្រោះថាជិតដាច់ឆ្នាំឆ្លងចូល 2019 ហើយ អ្នកទាំងអស់គ្នាមានគំរោងទៅលេងខាងហើយឬនៅ ឬក៏នៅដេកផ្ទះ :-D ។
   នៅថ្ងៃដាច់ឆ្នាំឆ្លងឆ្នាំថ្មីនេះគ្រួសារខ្ញុំបានរៀបគំរោងរួចហើយ ប្រហែលជាទៅលេងកំពតនិងខេត្តកំពង់សោម ព្រោះថាមានបងប្អូននៅទីនោះស្រាប់ អ៊ីចឹងហើយវាមានភាពងាយស្រួលក្នុងការស្នាក់នៅ ព្រោះថាថ្ងៃហ្នឹងតំលៃសណ្ឋាគារច្បាស់ជាមិនក្រោម 100$ ក្នុងមួយយប់ទេព្រោះតាំងពីចិនមកនៅស្រុកមកតំលៃគឺឡើងថ្លៃគុណនិង2 3ដងឯណោះ។ ចំណែកខ្ញុំវិញដំបូងគិតថាចង់ទៅលេងជាមួយគាត់ ចិត្តមួយទៀតចង់នៅដេកផ្ទះព្រោះថាខ្ជិលដើរណាស់ណាមួយដើរជាមួយឪពុកម្តាយដូចមិនសូវសប្បាយសោះ :-D ។ រាល់ឆ្នាំខ្ញុំមិនដែលបានទៅដើរលេងនៅទីណាទេព្រោះថាអោយតែដល់ថ្ងៃឆ្លងឆ្នាំតែងតែមានកម្មវិធីការមិត្តភក្តិបងប្អូនជានិច្ច ទើបតែឆ្នាំមុនទេដែលមិនមានរវល់អ៊ីចឹងហើយក៏ទៅជប់លៀង ផឹកស្រានិយាយគ្បាលេងនៅផ្ទះបង ផ្ទះគាត់មានកម្មវិធីសប្បាយរហូតតែម្តង :-D ។ បើនិយាយពី COUNTDOWN ចង់ទៅណាស់ណាស់តែ អត់គ្នាណាមួយអត់គូរទៀត :-D ដល់ទៅមើលឃើញគេមានគូររាងយ៉ាប់ដែរហ្នឹង ខ្មាស់ក្មេងណាអត់មានគូរបណ្តើរចឹងវាឌឺងាប់ហើយ :-D ហឺយយយនិយាយទៅចង់មាន CRUSH គ្រាន់បណ្តើរហ្នឹងគេដែរ តែមើលទៅគេដូចមិនចង់លេងជាមួយយើងផង ចឹងដើម្បីកុំអោយគេបដិសេធទាន់ អ៊ីចឹងយើងដកខ្លួនចេញអោយហើយ លអោយពេលគេបដិសេធត្រង់ៗខ្លាចខូចចិត្តខ្លាំង :-D ។ សរុបមកវិញ ជំរើសខ្ញុំ មាន 3 គឺ ទី1 ទៅដើរលេងជាមួយគាត់ ទី2 ទៅជប់លៀងផ្ទះបង ទី3ដេកផ្ទះស្អាត ធ្វើម៉េចទេមនុស្សមិនសូវមានមិត្តភក្តិច្រើន វាតែប៉ុណ្ណឹងឯងខ្ញុំធ្លាប់ហើយ រាប់សិបឆ្នាំហើយថែមឆ្នាំថ្មីនេះមួយដងទៀតក៏មិនចោទជាបញ្ញាដែរ :-D ។
   ចុងក្រោយនេះបើអ្នកទាំងអស់គ្នាមានកន្លែងដើរលេង ខ្វះមិត្តភក្តិកំដរ ឬក៏ដេកផ្ទះដូចខ្ញុំ កុំភ្លេចប្រាប់ខ្ញុុំព្រោះផង។ ហើយបើអ្នកទាំងអស់ត្រូវការមិត្តភក្តិកំដរ :-D ត្រូវការអ្នកផឹកកំដរ កុំភ្លេចហៅខ្ញុំផង អ្នកទាំងអស់គ្នាអាចខំមិននៅខាងក្រោមអត្ថបទនេះ ឬក៏អាច CALL ទៅខ្ញុំគ្រប់ពេលវេលា អោយតែថាអ្នកទាំងអស់គ្នាចេញស្រា ចេញម្ហូប :-D ។ លាហើយមិត្តទាំងអស់គ្នា GOOD NIGHT :-* បាយ ៕

ចាប់ផ្តើមជាថ្មី វគ្គ2

Chhay Sam Ol Dara 9:03 AM កំណត់ហេតុខ្ញុំ , សំរកទំងន់ 0 Comments

អរុណសួស្តីអ្នកទាំងអស់គ្នា! ថ្ងៃនេះពេលព្រឹកទើបតែម៉ោង 7:40 នាទីទេ ទើបតែមកពីហាត់ប្រាណអ៊ីចឹងហើយក៏ឆ្លៀតមកសរសេររឿងនិទានខ្លីមួយ ដែលទាក់ទងនិងការសំរកទំងន់របស់ខ្ញុំ។ តែកាលពីឆ្នាំ 2017 ខ្ញុំបានសរសេររួចម្តងហើយ ដែលមានចំណងជើងថា ចាប់ផ្តើមជាថ្មី ប៉ុន្តែលើកនេះគឺត្រលប់មកម្តងទៀតជាចំណងជើងដដែល :-D ប៉ុន្តែបន្ថែមបន្តិចថា វគ្គ2 រដូវកាលទី 2 VOLUME 2 ឬកអោយចំណងជើងមួយទៀតថា ចាប់ផ្តើមជាថ្មី វគ្គ 2: មិនលំៗដូចមុនទេ :-D ។
និយាយទៅកាលពីលើកមុនខ្ញុំក៏ខំប្រឹងប្រែងហាត់ប្រាណដែរ ហើយកាលដែលខ្ញុំហាត់ក៏មិនឡើងគីឡូ ហើយក៏មិនស្រកដែរ នៅថេរ ។ កាលពីលើកមុនខ្ញុំខំហាត់ទាំងព្រឹកទាំងល្ងាច ប៉ុន្តែមិនបានបន្ថយរបបអាហារទេទើបធ្វើអោយទំងន់នៅថេរបែបនេះ តែចាប់តាំងពីខ្ញុំឈប់ហាត់ទៅបូករួមទាំងញ៉ាំច្រើនជាងមុនទៀតនោះទើបធ្វើអោយគីឡូខ្ញុំឡើងស្រឺតៗតែម្តង :-( ឡើងពីទំងន់ 86 រហូតដល់ក្បែរ 103 គីឡូក្រាម :'( ។ អ៊ីចឹងហើយទើបម៉ាក់ខ្ញុំគាត់សុំខ្ញុំតែម្យ៉ាងទេ ធ្វើយ៉ាងណាកុំអោយធាត់ពេកៗ ខ្ញុំក៏បានសន្យាជាមួយម៉ាក់ថាយ៉ាងណាក៏ខ្ញុំតស៊ូអោយទាល់តែបាន។ ការព្យាយាមពិតជាពិបាក ប៉ុន្តែលទ្ធផលនិងគាប់ប្រសើរបើយើងខិតខំវាច្បាស់ជាបានផ្លែផ្កាមិនខាន ជាក់ស្តែងកាលពីម្សិលមិញខ្ញុំបានដើរលើម៉ាស៊ីនហាត់ប្រាណដែលជាធម្មតាខ្ញុំដើរបានត្រឹមតែ 30នាទីទេ មិនអាចយូរជាងហ្នឹងទេ ប៉ន្តែដោយចិត្តជំនះរបស់ខ្ញុំ ខ្ញុំអាចសម្រេចគោលដៅបានគឺខ្ញុំអាចដើរបានរហូតដល់ទៅ 1ម៉ោង ជាមួយការ COOL DOWN រយៈពេល 5នាទីទៀតគឺស្មើរនិង 65នាទី ដែលស្មើរនិងចំងាយប្រហែល 5គីឡូម៉ែត្រជាង ហើយអាចដុតកាឡូរី ( Calories ) បានប្រហែល 830 កាឡូរីផងដែរ។ ចាប់តាំងពីខ្ញុំចាប់ផ្តើមហាត់សារជាថ្មីអស់រយៈពេលប្រហែល 2 ទៅ 3ខែមក ពេលនេះខ្ញាករកនៅសល់ប្រហែលតែ 98គីឡូក្រាមទេ បើគិតទៅស្រកបាន 5គីឡូដែរ :-D ដូច្នេះហើយខ្ញុំត្រូវតែប្រឹងបន្តទៀតហើយ ខ្ញុំចង់ស្រកដល់ 65គីឡូ អីបានហើយ :-D តែគោលដៅទីមួយដែលខ្ញុំដាក់គឺត្រឹម 75គីឡូក្រាម ហើយវាហ្នឹងបញ្ចប់ដោយភាពជោគជ័យបានដែរឬទេ ខណៈរយៈពេលដែលសម្រេចវាអោយបានគឺនៅដើមឆ្នាំ 2020 ឯណោះប្រហែលជា 1ឆ្នាំគិតពេលនេះមក។

ចុងក្រោយចង់និយាយថាអេគុណម៉ាក់ប៉ាដែលដាស់ទឿនកូន អោយព្យាយាមសារជាថ្មី ហើយការចាប់ផ្តើមសារជាថ្មីនេះ គឺដើម្បីចង់អោយខ្លួនឯងមានសុខភាពល្អ ងាយរកខោអាវស្លៀកពាក់ និងប្តេជ្ញាយ៉ាងមុតមាំថាមិនអោយឡើងទំងន់ម្តងទៀតទេ។ ព្យាយាមគង់តែបានសម្រេច :-D ។ បាយបាយ លាហើយ ;-) ៕

Monday, December 3, 2018

អាពួកម៉ាកចិត្តល្អ ពៃអូ រីអូ

Chhay Sam Ol Dara 7:55 AM កំណត់ហេតុខ្ញុំ , ពួកម៉ាក 0 Comments

សួស្តីមិត្តអ្នកអានជាទីស្រលាញ់! ថ្ងៃនេះមកសរសេរអត្ថបទមួយទៀតហើយ។ ថ្ងៃចង់លើកយកមិត្តភក្តិម្នាក់ដែលស្គាល់គ្នាតាម FACEBOOK តាមក្រុមលេងហ្គេម ប៉ុន្តែក៏មានភាពស្និទ្ធស្នាលដូចជាមិត្តភក្តិពិតៗអ៊ីចឹង :-D គាត់ហ្នឹងក៏ចិត្តល្អទៀត តែឥលូវរាងប្លែកបន្តិចបែបចង់បានប្រពន្ធ :-D ។
គាត់ឈ្មោះស្អីខ្ញុំមិនដឹងទេ ប៉ុន្តែខ្ញុំដឹងតែឈ្មោះក្នុង FACEBOOK របស់គាត់គឺ ពៃអូ រីអូ ហើយរហ័សនាមក្រៅខ្ញុំបានដាក់អោយថា មនុស្សយន្ត ព្រោះមនុស្សយន្តអត់មានបេះដូងទេ :-D ។ គាត់ហ្មឹងនិយាយទៅវ័យដំណាលខ្ញុំដែរ អាចបងខ្ញុំអាចស្មើរខ្ញុំ ហើយក៏ជាកូនអ្នកធូធារដែរនៅស្រុកគាត់ គាត់ហ្នឹងរស់នៅខេត្តកណ្តាលហើយប្រាប់ថានៅស្រុកស្រែប៉ុន្តែស្អីក៏មានប្រើដែរខប់ៗ :-O មាន PS4 Pro , PC ប្រើសុទ្ធតែ 1070 :-O ហើយមាន PSVR ទៀតខប់មែនទែន។ អាគាត់ហ្នឹងចិត្តល្អហ្អា ល្អមែនទែនស្គាល់គ្នាមិនបានប៉ុន្មានផង គាត់បានអោយ ដៃហ្គេម អោយ VGA GTX 950 អោយខ្ចីរបស់លេងច្រើនទៀត និយាយទៅគាត់ទុកខ្ញុំដូចមិត្តភក្តិពិតចឹង ហើយគាត់ក៏ជាដៃគូរខ្ញុំសំរាប់ពិក្សារឿងក្រាស់ដែរ :-D មានរឿងអីចែករំលែកគ្នា ទិញហ្គេមក៏គិតលុយពាក់កណ្តាលម្នាក់ដែរ និយាយទៅស្គាល់គាត់ SAVE លុយបានពាក់កណ្តាលដែរ :-D ។ តែឥលូវរាងប្លែកមែនទែន ប្លែកខុសរាល់ដង តាំងពីម៉ាក់គាត់ស្តីអោយមកហ្គេមដូចលែងឃើញលេងហើយ លុយក៏មិនសូវចាយ និយាយស្តីក៏ប្លែកៗ ខ្ញុំសង្ស័យតែគាត់បែបចង់បានប្រពន្ធហើយ បែបសន្សំលុយដណ្តឹងប្រពន្ធហើយព្រោះឃើញទាក់ទងស្រីក្មេង ឃើញសុទ្ធតែមើលខែឆ្នាំអីណា :-D ។ ថ្ងៃមុនខ្ញុំនិយាយលលេងថា " ការហៅឯងផងវើយ" គេតបវិញថា "បើហៅគ្នាផ្ញើរសំបុត្រតាម FACEBOOK ហើយ" ហាសហាឃើញបែបនេះសង្ស័យតែពួកម៉ាកខ្ញុំជិតមានដំណឹងល្អមែនទែនហើយ ជូនពរពួកម៉ាកឆាប់បានប្រពន្ធកុំអោយនៅឯកាដូចជាខ្ញុំុំ។
ហាសហាសរសេរបានតែប៉ុណ្ណឹងទេសង្ឃឹមថាអ្នកទាំងអស់គ្នាមិនធុញទ្រាន់ទេដែលមកអានអត្ថបទអត់ស្តង់ដាររបស់ខ្ញុំ ជូនពរអ្នកទាំងអស់គ្នាសុខភាពល្អ ជិតដាច់ឆ្នាំហើយបើអ្នកអត់មានសង្សារឆាប់មានសង្សារទុកទៅ COUNTDOWN ជាមួយគ្នា៕

Sunday, December 2, 2018

កាលនៅរៀន

Chhay Sam Ol Dara 9:02 PM កំណត់ហេតុខ្ញុំ , រៀនសូត្រ 0 Comments

   សួស្តីមិត្តទាំងអស់គ្នា! ថ្ងៃនេះមកសរសេរអត្ថបទបន្ថែមមួយទៀតហើយ ដោយសារតែ អារម្មណ៍ល្អ (Mood) ទោះជាលក់មិនដាច់ក៏ដោយ B-) ក៏ដូចជាមានអារម្មណ៍ថាស្រោះស្រាយមែនទែនថ្ងៃនេះ។ មនុស្សគ្រប់គ្នាតែងតែឆ្លងកាត់ការរៀនសូត្រ អ្នកខ្លះក៏រៀនបានតិច អ្នកខ្លះទៀតក៏រៀនបានច្រើនដែរ អ៊ីចឹងហើយថ្ងៃនេះខ្ញុំចង់លើកយកអនុស្សាវរីយ៍កាលពីនៅរៀនវិទ្យាល័យមកនិទានអោយអ្នកទាំងអស់គ្នាអានលេង ក្រែងលោដឹងរឿងខ្ញុំបានច្រើន។
   ខ្ញុំបាទកើតនៅខេត្តពោធិ៍សាត់ អ៊ីចឹងហើយខ្ញុំក៏រៀននៅវិទ្យាល័យពោធិ៍សាត់ផងដែរ ហើយខ្ញុំប្រលងនៅសម័យដែលធូរលុង ប្រលងងាយៗ មិនចេះក៏អាចជាប់បានដែរ :-D ហើយបើសិនជាខ្ញុំបំរើងនៅសម័យបច្ចុប្បន្ននេះវិញ ( 2014- បច្ចុប្បន្ន ) ខ្ញុំច្បាស់ណាស់ថាឆ្នាំនោះខ្ញុំប្រាកដជាបានរៀនបន្តមួយឆ្នាំជាមួយប្អូនៗមួយឆ្នាំទៀតហើយ :-D ។ កាលនៅរៀនអាចនិយាយបានថាជាសិស្សមិនសូវជាល្អប៉ុន្មានទេ តែរៀនឆាប់យល់ណាស់គ្រាន់តែមិនសូវបានរៀន ប៉ុន្តែម៉ោងរដ្ឋខ្ញុំរៀនទៀងទាត់អត់រៀនតែម៉ោងគួរទេ B-) ។ កាលពីម្សិលមិញបងជីដូនមួយខ្ញុំ គាត់រំលឹករឿងតាស្រុនក៏ធ្វើអោយខ្ញុំនឹកឃើញសរសេរអត្ថបទនេះតែម្តងទៅ :-D ។ កាលនៅរៀនមានម៉ោងខ្លះជាម៉ោងទំនេរ គេហៅថាម៉ោងលីប បងខ្ញុំនិងហើយដែលនាំខ្ញុំទៅលេងតាស្រុនដែលជាកន្លែងច្រៀងខារ៉ាអូខេ :-D អោយតែម៉ោងលីបដឹងតែបានទៅហើយ ហើយក៏មិនថ្លៃដែរ គឺត្រឹមតែមួយម៉ោង 5000រៀលអីហ្នឹង តែឥលូវពួកហ្នឹងលែងចូលហើយទាល់ KTV មានស្រីអោបបានពួកវាចូល ពួកនេះ UPGRADE សាហាវណាស់ ។ កាលនៅរៀនទី 12 ខ្ញុំរៀនគួរតែមួយមុខគត់គឺរៀនគណិត ហើយក្រៅពីហ្នឹងគឺមិនបានរៀនទេ ហើយក៏មានតែមុខវិជ្ជាគណិតតែមួយគត់ដែលខ្ញុំប្រលងជាប់ដោយសមត្ថភាពខ្លួនឯង ហើយមុខវិជ្ជាផ្សេងទៀតគឺពឹងទៅលើសំណាង និងជំនាញចំលងហើយ :-D សម័យនោះពិតជាធូមែនទែន អោយតែលុយគ្រូ គ្រូគាត់បិតភ្នែកអោយមើើសេរី បើមិនចេះគ្រូខ្លះគាត់ប្រាប់ថែមក៏មាន :-D ហេតុផលនេះហើយដែលអាចអោយខ្ញុំប្រលងជាប់ ប៉ុន្តែបើគិតៗទៅបើរៀននៅពេលនេះខ្ញុំច្បាស់ជាធ្លាក់ហើយ ព្រោះពេលរៀនគួរពួកយើងមិនបានទៅរៀនទេ បែជាទៅជិះម៉ូតូដើរលែង ទៅលេងបាល់ទះបាល់ទាត់ ឯណាវិញគ្មានម៉ោងគួរណាដែលពួកយើងទៅរៀនឡើយ។ សំណាងគឺពិតជាសំណាងចេញលទ្ធផលម្នាក់ៗនាំគ្នាអរ :-D បានសញ្ញាប័ត្រជាប់ទៅរៀនបន្តនៅភ្នំពេញ ។
   ជាចុងក្រោយនេះខ្ញុំចង់និយាយថា បើអាចបង្វិលពេលវេលាមកក្រោយវិញបាន ខ្ញុំចងឮទៅរៀនហើយរៀនឲ្យពូកែទៀតដើម្បីឲ្យប៉ានាក់មានមោទនភាពដោយសារយើង តែរាល់ថ្ងៃនេះក៏មិនធ្វើអោយគាត់ខ្មាស់គេដែរព្រោះមិនបានប្រព្រឹត្តរឿងខុសច្បាប់ ឬក៏ជក់គ្រឿងញៀនដែលនាំក្តីអាម៉ាស់មកឲ្យគ្រួសារ។ លាហើយ ជួបគ្នាអត្ថបទក្រោយៗទៀត៕

ថ្ងៃនេះមានដំណឹងល្អនិងដំណឹងអាក្រក់

Chhay Sam Ol Dara 1:50 PM កំណត់ហេតុខ្ញុំ , ល្អ 0 Comments

សួស្តីមិត្តភក្តិទាំងអស់គ្នា! មកវិញទៀតហើយម្សិលមិញមានរឿងច្រើនណាស់ដែលមកត្អូញត្អែរនៅថ្ងៃនេះ :-D មានទាំងរឿងល្អ ហើយក៏មានទាំងរឿងអាក្រក់ អាក្រក់ដល់ថ្នាក់ចង់តែបោកក្បាលហ្មង :-( ។ អារឿងដែលអាក្រក់នេះគឺសឹងតែមិនគួរអោយជឿសោះថាវាអាចកើតឡើងមកលើរូបខ្ញុំទៅកើត មកកើតលើមនុស្សស្លូតបូតមិនសូវចេះនិយាយស្តីច្រើន :'( ។
ឥលូវចូលមកសាច់រឿងវិញកុំអោយវែងឆ្ងាយកុំអោយប្រិយមិត្តអ្នកអានមានអារម្មណ៍ធុញទ្រាន់ជាមួយអ្នកនិពន្ធហាសហា :-D ។ បន្ទាប់ពីការតស៊ូអស់ជាច្រើនឆ្នាំមកហាងរបស់ខ្ញុំមានសង្ឃឹមហើយ មានសង្ឃឹមនឹងទទួលបានមុខមាត់ថ្មីហើយ។ កាលពីម្សិលមិញក្រុមហ៊ុន OPPO បានអោយជាងមកវាស់វែងផ្លាកថ្មីសំរាប់ហាង ពេលនេះយើងយើងមានអារម្មណ៍ថាសប្បាយចិត្តបន្តិច ប៉ុន្តែមិនខ្លាំងទេព្រោះថាកន្លងមកក្រុមហ៊ុន SAMSUNG បានបោកប្រាស់យើងជាច្រើនដងហើយ ថានឹងផ្តល់អោយយើងនៅផ្លាកថ្មីតែទីបំផុតអត់បានទេ ថាអោយ LIGHTBOX ក៏អត់ ថាប្តូររូបនៅទូរអោយយើងក៏អត់ :-( ចុងក្រោយអ្វីក៏អត់បានដែរបានត្រឹមតែគេបោក :'( ចឹងហើយបាមលើកនេះមិនជឿច្រើនទេ :-) ចាំទទួលបានលទ្ធផលចាំសប្បាយចិត្តក៏មិនទាន់ហួសពេលដែរ :-D ។ បើសិនជាបានផ្លាកថ្មីមែនហាងខ្ញុំច្បាស់ជាការលក់ប្រាកដជាមានការីកចំរើនជាងមុន ខ្ញុំជឿជាក់បើវាមិនរីកចំរើន ខ្ញុុំនឹករកផ្លូវដ៏ល្អដោះស្រាយវា។ ខ្ញុំពិតជាចង់ឃើញហាងខ្លួនឯងទទួលបានរូបរាងថ្មីណាស់ តែដោយសារតែថវិការបស់យើងតិចមានកំណត់ទើបមិនហ៊ានជួសជុលវា ប៉ុន្តែពេលនេះបានក្រុមហ៊ុនបានទទួលធ្វើហើយ បើក្រុមហ៊ុនធ្វើអោយគេនឹងប្តូររីបតំណាងអោយគ្រប់រដូវកាល អេសអេស :-D តែប៉ុណ្ណេះបានថ្មីៗរហូតហើយ ចឹងខ្ញុំត្រូតែព្យាយាមខ្លួនឯងដើម្បីអោយកាន់តែប្រសើរ ហើយគោលដៅបន្ទាប់របស់យើង គឺទូរជាប់ជញ្ជាំងហើយចង់ Decor ពេញ ដើម្បីអោយហាងកាន់តែស្អាត តែយ៉ាងណាស់វាគ្រាន់តែជាគោលដៅបន្ទាប់ ខ្ញុំក៏មិនត្រូវរំពឹងខ្ពស់ពេកដែរ ដើម្បីលអោយពេលអត់បានការខូចចិត្តកាន់តែខ្លាំង ព្រោះធ្លាប់មានបទពិសោធន៍ច្រើនដែរ :-D ។ បន្ទាប់ពីរឿងល្អងាកមកនិយាយរឿងមិនល្អម្តង រឿងមិនល្អមានច្រើនដែរ មានរឿងមួយនេះគឺរឿងអាក្រក់ប្រចាំឆ្នាំតែម្តង :-|។ អ៊ីចឹងសុំលើកអារឿងតូចៗមកនិយាយមុន ថ្ងៃម្សិលមិញ លក់ទូរសព្ទ័អោយភ្ញៀចំខូចដល់ទៅពីរគ្រឿង និយាយទៅ SAD មែនទែនមិនដែលលក់ចំរបស់ខូចដល់ទៅ២គ្រឿងអ៊ីចឹងទេ លក់ចំរបស់ខូចមិនសំខាន់ សំខាន់របស់ដែលខូចហ្នឹងដឹងតែខាងហើយ មិនចំណេញអីទៀតទេ ព្រោះយកទៅជួសជុលវិញគឺមិនដែលអស់តិចទេ :-( ។ ហើយមួយទៀតរបស់ដែលខូចចឹង ក៏ដូរអោយគេដែរតែគេទិញបានមួយខែហើយ ហេតុដោយមើលឃើញថាវាពិតជាខូចមែន តែដល់គាត់និយាយទៅដូចលែងចង់ប្តូរអោយបណ្តោយ គាត់ថាក្រែងគេធានាអោយមួយឆ្នាំហ្អី វាមិនដែលមានហាងណាលក់ទូរស័ព្ទមួយទឹកធានារយៈពេលមួយឆ្នាំទេ :-D ហាសហា។ រឿងមួយទៀតដែលនឹកស្មានមិនដល់គឺថា HARD DRIVE ទំហំ 4TB ដែលពេញទៅដោយរឿងរាយ រឿងភាគ រឿង 4K ត្រូវបានរលាយអស់ហើយ រលាយដូចផេះរសាត់តាមខ្យល់ មើលឃើញហើយនិយាយពីថាចត់បាយ និយាយអ្វីក៏លែងចេញដែរ អោយតែពេលឃើញ HARD DRIVE វាសល់ Space ទាំង 4TB ចឹង :'( ។ អ្នកទាំងអស់គ្នាប្រហែលជាស្រលាញ់អ្វីផ្សេងៗគ្នា ចំណែកខ្ញុំវិញចូលចិត្តមើលរឿងណាស់ ចូលចិត្ត Collect វាទុកពេលណាចង់មើលដកមកមើល ងាយស្រួលណាស់ លូវខ្ទេចខ្ទីអស់ហើយ អស់អារម្មណ៍ហើយ លែងចង់ DOWNLOAD មកទុកទៀតហើយ។ បើនិយាយពីថ្ងៃនេះវិញកាន់តែយ៉ាប់យ៉ឺនទៀត លក់គឺថាមិនបានមួយដើមសោះ មិនដឹងជាងបាត់ភ្ញៀវទៅណាអស់ទេឆ្ងល់ដល់ហើយ ម៉ិចអត់មានអ្នកមកទិញឥវ៉ាន់អ៊ីចឹង ហេតុអ្វីបានជាហាងគេមានភ្ញៀវ ហាងយើងវិញបែជាអត់។ HMMM គិតសព្វៗទៅ២ថ្ងៃនេះស៊យដល់កហើយ រកតែភ្ញៀងម្នាក់មិនបានសោះ តែយ៉ាងណាក៏មិនអស់សង្ឃឹមព្រោះវាសនាមួយនេះមិនបញ្ចប់ត្រឹមនេះទេ :-D។
ជាអវសាននៃអត្ថបទអរគុណដល់អតិថិជន BLOG Baymax23 មែនទែនដែលបានមកអានដល់ទីនេះ ( ខណៈពេលនេះមិនដែលឃើញមានអ្នកមកអានផង ) ហើយក៏សង្ឃឹមយ៉ាងមុតមាំថានឹងមានអ្នកអានកាន់តែច្រើនដើម្បីលើកទឹកចិត្តនិងផ្តល់កំលាងចិត្តដល់អ្នកនិពន្ធដែលចេះតែសរសេរផ្តេសផ្តាសម្នាក់នេះផង៕

Saturday, December 1, 2018

ចំនុចអាក្រក់របស់ខ្លួនឯង

Chhay Sam Ol Dara 8:29 PM កំណត់ហេតុខ្ញុំ , ចំណុចអាក្រក់ 0 Comments

សួស្តីអ្នកអានជាទីស្រលាញ់! ថ្ងៃនេះខ្ញមកសរសេរអត្ថបទបន្ថែមមួយទៀតហើយ ដោយសារតែនៅហាងស្ងាត់ពេកទំនេរចឹងឆ្លៀតសរសេរមួយទៅ កុំអោយ BLOG ស្ងាត់ដូចហាងដែរ :-D ។ មនុស្សម្នាក់ៗលើផែនដីតែងតែមានចំណុចល្អ និង ចំណុចអាក្រក់រាងខ្លួន គ្រាន់តែអ្នកខ្លះមានចំណុចល្អច្រើនជាង ចំណែកឯអ្នកខ្លះទៀតមានចំណុចអាក្រក់ច្រើនជាងអ៊ីចឹងទៅ។ ដូចច្នេះហើយទើបថ្ងៃនេះទើបខ្ញុំលើកយកចំណុចអាក្រក់របស់ខ្ញុំមកនិទានអោយស្តាប់។ អ្នកទាំងអស់កុំឆ្ងល់ថាហេតុអ្វីខ្ញុំមិនលើកយកចំណុចល្អមកនិយាយផង ក៏ព្រោះតែខ្ញុំមិនមានចំណុចល្អដែលមកនិយាយអោយអ្នកទាំងអស់គ្នាអានទេ (TT) ។
ចំណុចអាក្រក់តែងតែមានគ្រាន់តែតិចនិងច្រើន តែបើខ្ញុំវិញមានច្រើនណាស់ ខ្ញុំសរសេរ ១ម៉ែត្រ ២ម៉ែត្រ ទៀតក៏មិនអស់ដែរ។ ខ្ញុំឆ្ងល់ខ្លួនឯងណាស់ ដឹងពីចំណុចអវិជ្ជមានរបស់ខ្លួនឯង ប៉ុន្តែមិនអាចការប្រែបាន ពិតជាខឹងមែន។ អ៊ីចឹងហើយបានចាស់ៗគាត់តែងនិយាយថា សារជាតិមនុស្សលោកពិបាកកែប្រែខ្លាំងណាស់ ប៉ុន្តែក៏មានអ្នកខ្លះក៏អាចកែប្រែបានដែរគ្រាន់តែប្រើពេលវេលាយូរ។ ចំណុចអវិជ្ជមានរបស់ខ្ញុំមានច្រើនណាស់ដូចជា តមាត់ជាមួយម៉ាក់ប៉ាខ្លាំងៗ ឆាប់ខឹងច្រើន ងច្រើន មិនចេះអោនលំទោន មិនចេះទ្រ អត់ចេះនិយាយរកគេមុនទោះខ្លួនឯងជាអ្នកខុសក៏ដោយ ចូលចិត្តធ្វើអ្វីភ្លាមៗមិនបានគិតច្រើន ចូលចិត្យធ្វើអ្វីប្លែកៗ និងមានច្រើនទៀត :-( ។ ឥលូវសុំលើកយកចំណុច តម៉ាត់ជាម៉ាក់ប៉ាមុន ពេលខ្លះធ្វើអ្វីនិយាយអ្វីមិនគិតទេ អត់ខ្វល់ពីអារម្មណ៍គាត់សោះពេល ពេលខ្លះនិយាយមិនត្រីវគ្នាតែងតែតមាត់ជាមួយគាត់ខ្លាំង នៅមុខគេក៏តតែដែរ :-( ពិតជាកូនមិនល្អមែន ជាពិសេសតមាត់ជាមួយម៉ាក់ ព្រោះម៉ាក់គាត់ស្លូត បើជាមួយប៉ាវិញនិយាយមិនត្រូវគ្នាតែ ៤ ១០ម៉ាត់ដើរចូលបន្ទប់ដេកហើយ HMMM ពេលខ្លះខឹងខ្លួនឯងណាស់ ដឹងហើយថាវាជាចំណុចមិនល្អចង់កែ តែដល់ពេលនិយាយមិនត្រូវគ្នាបន្តិចបន្តួច អាជំងឺហ្នឹងវារើឡើងមកទប់មិនជប់ទេ តមាត់ភ្លាមៗតែម្តង ^_^ ។ ឥលូវនិយាយរឿងមួយផ្សេងទៀត ខ្ញុំបានស្គាល់មិត្តភក្តិអាចថាមិត្តដែលខ្ញុំលេងជាមួយគ្នារាល់ថ្ងៃ យ៉ាងណាក៏លេងបានបន្តិចដែរនៅក្នុង FACEBOOK មានទាំងស្រី ទាំងប្រុស លេងយូរទៅខ្ញុំក៏បែកស្លុយយ៉ាងម៉ិចមិបដឹងទេ ស្លាប់តែទៅបង្កើត Account ថ្មីហើយ អត់បាន ADD ពួកគេទេយូរៗទៅពួកគេក៏ដឹងគេក៏ ADD មកក៏លេងជាមួយពួកគេធម្មតាទៅ បន្ទាប់មកស្រាប់តែយូរៗទៀតទៅ ខ្ញុំបែបទៅជា UNFOLLOW ពួកគេហើយក៏មិនដែលលេងជាមួយពួកគេយ៉ាងយូរៗ ស្រាប់តែមានអ្នកខ្លះគេក៏មិនខឹងយើងដែរ គេលេងជាមួយខ្ញុំធម្មតា អ្នកខ្លះទៀតទៅក៏គេ UNFRIEND ខ្ញុំចោលទៅ។ ខ្ញុំឆ្ងល់ខ្លួនឯងដល់ហើយ ម៉ុចបានចូលចិត្តធ្វើអ្វីប្លែកៗម្លេះ :-( អត់មានបញ្ហាអ្វីជាមួយគ្នាសោះ ខ្ញុំបែរជាទៅធ្វើហីៗដាក់ពួកគេ។ ឥលូវនិយាយពីរឿងកូនចៅម្តង ស្និទស្នាលគ្នាធម្មតា និយាយលេងសើយសប្បាយដូចបងប្អូន ស្រាប់តែនិយាយគ្នាលេងតិចតួច ខ្ញុំក៏ងរ លែងនិយាយរកគេទៅ ហើយក៏ត្រូវគ្នាវិញ ហើយក៏អត់និយាយរកគ្នាទៀត :-D គិតទៅចរិតខ្ញុំចំលែកដល់ហើយ ធ្វើអ្វីប្លែកៗ។ បើនិយាយពីរឿងឈ្លោះគ្នាវិញកំរខ្ញុំទៅនិយាយជាមួយគេមុនណាស់ ចង់និយាយទៅគេដែរតែចេះតែខ្លាចគេអត់តប អ៊ីចឹងហើយបានចាំគេមកនិយាយរកខ្ញុំមុន។ អារឿងលើកមកនិយាយចុងក្រោយនេះគឺរឿងចង់បានអ្វី ធ្វើភ្លាមមិនទុកយូរទេ នេះក៏ជាចំណុចមិនល្អរបស់ខ្ញុំមួយដែរ របស់បើខ្ញុំចង់បានហើយមិនយូរទេស្អែកទិញហ្មង យ៉ាងយូរមួយអាទិត្យ អត់លុយក៏ខ្ចីលុយគេសិនដែរ :-D សំណាងដែរខ្លួនឯងមាន CREDIT ល្អខ្ចីភ្លាមគេអោយភ្លាមមិនសូវពិបាកព្រោះសងគេទៀងទាត់ អោយតែគេទារលុយវិញសងគេភ្លាម ព្រោះខ្លាចចិត្តគេណាស់។ ទាំងអស់ខាងលើនេះសុទ្ធតែជាចំណុចអវិជ្ជមានដែលខ្ញុំប្រព្រឹត្តជារឿយៗ រៀបរាប់មកនេះតិចផងត្រឹមតែ 20%នៃជីវិតខ្ញុំទេ ខ្ញុំក៏ដឹងដែរថាវាមិនល្អសំរាប់ខ្ញុំតែខ្ញុំចេះតែប្រកាច់ធ្វើវាចេះមកទាល់តែបាន :-( ។
ជាទីបញ្ចប់នៃអត្ថបទនេះ ខ្ញុំសង្ឃឹមអ្នកទាំងអស់គ្នាមិនស្អប់ខ្ញុំចុះ ហើយព្យាយាមជួយកែប្រែខ្ញុំផង តាមរយៈមតិ COMMENT នៅខាងក្រោម POST នេៈឯង។ ហើយចាប់ពីថ្ងៃនេះទៅខ្ញុំក៏នឹងសន្យានិងខ្លួនឯងថាត្រូវតែព្យាយាមកែប្រែខ្លួនឯងអោយល្អជាងនេះ ដើម្បីអោយខ្លួនឯងក្លាយជាកូនល្អ មិត្តល្អ មេល្អ និង ជាអ្នកនិពន្ធអត្ថបទកំប៉ិចកំប៉ុកដ៏ល្ម្នាក់អ ដែលអ្នកទាំងអស់គ្នានឹងស្រលាញ់រាប់អាននៅពេលអនាគត sssss :-D ។

សន្យាជាមួយម៉ាក់

Chhay Sam Ol Dara 12:47 AM កំណត់ហេតុខ្ញុំ , សំរកទំងន់ 0 Comments

សួស្តីមិត្តអ្នកអានជាទីស្រឡាញ់! ថ្ងៃនេះខ្ញុំមកសរសេរអត្ថបទមួយទៀតហើយ ថ្ងៃនេះមានអីការរកស៊ីបានល្អ លក់ក៏គ្រាប់ដាច់តែខ្ញុំដូចជាធុញម៉េចទេ ព្រោះខ្ញុំមិនសូវចង់នៅលក់ប៉ុន្មានទេ ចង់នៅចុច PC ច្រើនជាង។ ថ្ងៃនេះខ្ញុំ ចង់លើកយករឿងមួយដែលខ្ញុំបានសន្យាជាមួយគាត់ គាត់ចង់អោយខ្ញុំល្អទើបហាមខ្ញុំ :-) ។
សព្វថ្ងៃនេះខ្ញុំ មានសុខភាពល្អធម្មតាទេ មិនសូវមានជំងឺមកបៀតបៀនទេ។ ប៉ុន្តែបើនិយាយពីទំងន់វិញគឺថា SAD ណាស់ឡើងជារៀងរាល់អាទិត្យតែម្តង ឡើងពី 85 ដល់ទំងន់ 103 គីឡូក្រាម។ ដោយហេតុថាឃើញបែបនេះម៉ាក់ខ្ញុំ គាត់បានហាមខ្ញុំអោយញ៉ាំតិច កាត់បន្ថយអាហារពេលយប់ កាត់បន្ថយការញ៉ាំសាច់ខ្លាញ់ កាត់បន្ថយការផឹកគ្រឿងដែលមានជាតិផ្អែម ដូចជាកាហ្វេទឹកដោះគោ អូវ៉ាន់ទីនទឹកដោះគោ ជំរុញអោយហាត់ប្រាណ សុំអោយខ្ញុំភ្ញាក់ពីព្រលឹម ហាមញ៉ាំស្លាបមាន់បំពង នៅមានហានច្រើនទៀតរៀបរាប់មិនអស់ទេ។ ការហាមឃាត់ទាំងនេះមិនមែនមកពីគាត់រិះខាំលុយទេ ប៉ន្តែមកពីគាត់ស្រលាញ់កូន គាត់ចង់ឃើញកូនមានរូបរាងស្អាតបាត មានសុខភាពល្អមាំមុន អ្វីដែលគាត់បានហាមឃាត់ខ្ញុំទាំងនេះ ព្រោះគាត់មិនចង់អោយខ្ញុំមានជំងឺទឹកនោមផ្អែមដូចជាប៉ារបស់ខ្ញុំ ប៉ាគាត់ស៊ូណាស់គាត់ចាក់ថ្នាំរាល់ព្រឹកនិងល្ងាច ចឹងហើយបានម៉ាក់គាត់ខ្លាច គាត់មិនចង់ឃើញខ្ញុំមានជំងឺដូចប៉ានៅថ្ងៃអនាគត ព្រោះវាជាជំងឺព្យាបាលមិនជានោះទេ។ ខ្ញុំក៏បានសន្យាជាមួយហ្នឹងគាត់ មុនដំបូងពិតជាពិបាកខ្លាំងណាស់ ពិបាកសំរកនិងផ្អាកការញ៉ាំនៅអាហារដែលយើងធ្លាប់ចូលចិត្តពីមុនណាស់ អស់រយៈពេល 2 3ខែទើបខ្ញុំអាចសម្របបាន។ ពេលនេះខ្ញុំមិនឃ្លាន ហើយនិងញ៉ាំផ្តេសផ្តាសដូចពីមុនទៀតទេ។ និយាយទៅវាពិតជាពិបាកមែនទែនពេលដំបូង របស់ដែលចូលចិត្តដូចជាពីមុនបាយព្រឹកចូលចិត្តថែមទឹកស្រូបខ្លាញ់ ពេលនេះមិនដែលប៉ះខ្លាញ់ទេ កាលពីមុនធ្លាប់មួយព្រឹកញ៉ាំម្តង 2 ចាន គឺអស់មួយថែមមួយ ពេលនេះសល់ត្រឹមតែចានតូចទេ កាលពីមុនផឹកកាហ្វេទឹកដោះគោ មួយថ្ងៃ2ដង ពេលនេះសល់ត្រឹមយូរៗផឹកម្តងទេ។ និយាយទៅវាពិតជាពិបាកខ្លាំងណាស់ ទំរាំដើរដល់ចំណុចមួយនេះ ចំនែកពេលនេះវិញទំងន់គឺថាស្រកជារៀងរាល់ខែ យ៉ាងហោចណាស់ក៏មួយខែស្រក 1 គីឡូក្រាមដែរ។ ខ្ញុំសង្ឃឹមថាខ្ញុំអាចព្យាយាមធ្វើវាអោយដល់ចំណុចមួយដែលខ្ញុំបានរំពឹងទុក គឺខ្ញុំចង់ស្រកដំណាក់កាលទីមួយអោយសល់ 75គីឡូក្រាម ហើយខ្ញុំមើលឃើញថាវាប្រើពេលរហូតដល់ 386ថ្ងៃ ពោលគឺដល់ថ្ងៃទី 20 ខែធ្នូ ឆ្នាំ 2019 ។ ខ្ញុំនៅមានផលពិបាកមួយដែលពិបាកសម្រាប់ខ្ញុំមែនទែន គឺថាខ្ញុំមិនសូវបានញ៉ាំបន្លែ និង ផ្លែឈើសោះ ពិបាកមែនទែនរឿងមួងហ្នឹងសម្រាប់ខ្ញុំ។ អ៊ីចឹង សំនួរសួរថា តើខ្ញុំអាចបំពេញនៅសន្យារបស់ខ្ញុំអោយមួយម៉ាក់បានទេ? មានតែចាំតាមដាននៅ ឆ្នាំក្រោយ។ លាហើយមិត្តទាំងអស់គ្នា បាយបិត៕

ចង់សន្សំលុយអោយបាន 10 000 000៛

Chhay Sam Ol Dara 12:44 AM កំណត់ហេតុខ្ញុំ , សន្សំលុយ 0 Comments

   សួស្តីមិត្តអ្នកអានជាទីស្រលាញ់! ថ្ងៃនេះខ្ញុំមកសរសេរអត្ថបទមួយបន្ថែមទៀតហើយ ដោយសារតែថ្ងៃនេះរាងទំនេរមិនសូវមានកាងារធ្វើច្រើន អ៊ីចឹងហើយទើបឆ្លៀតសរសេរអត្ថបទបន្ថែម អត្ថបទនេះ ខ្ញុំចង់សរសេរពីការសន្សំលុយ តែខ្ញុំមិនទាន់បានសន្សំទេ តែនិងចាប់ផ្តើមសន្សំបន្ទាប់ពីសរសេរចប់ :-D ។
   និយាយទៅសព្វថ្ងៃលុយខ្ញុុំរកបានគួរសមដែរតែខ្ញុុំចាយវាយក៏ច្រើនដែរ បើគិតថាចាយគឺចាយភ្លាមៗមិនចាំស្អែកទេ នេះគឺជាទំលាប់មិនល្អមួយរបស់ខ្ញុំដែលខ្ញុំចង់ផ្លាស់ប្តូរ ប៉ុន្តែវារាងពិបាកណាស់សំរាប់ខ្ញុំ :-( ។ ទំលាប់នេះដែរ ក៏ជាទំលាប់មិនល្អប៉ុន្តែពេលដែលចង់បានអ្វីមួយគឺថាទិញភ្លាមតែម្តង អត់ចេះគិតយូរទេ អ៊ីចឹងហើយបានមកដល់ថ្ងៃនេះរកលុយដាក់ធនាគាគ្មាននិងគេ :-D ។ ប៉ាម៉ាក់គាត់តែងតែបន្ទោសដែរ ថាធំហើយមិនចេះសន្សំលុយអីសោះ លុយក្នុងកាបូបសឹងតែគ្មានថ្ងៃខ្លះ :-D គិតទៅពិតជាខ្មាស់គាត់ខ្លាំងណាស់ ណាមួយខ្ញុំគិតថាខ្លួនឯងនៅខ្លួនមួយនៅឡើយ នៅជួយការងារក្នុងហាងចាយលុយផ្ទះទើបខ្ញុំ មិនសូវដែលចាប់អារម្មណ៍នៅការសន្សំលុយនោះដែរ។ កាលពីមុនខ្ញុំក៏ធ្លាប់សន្សំលុយខ្លះៗដែរ តែមិនមែនខ្នាតធំបែបនេះទេ :-D ។ កាលពីមុនខ្ញុំសន្សំបានយ៉ាងច្រើន 300 ទៅ 400$ គឺខ្ញុំបោកកូនជ្រូកហើយ មិនសូវបានទុកវាយូរទេមិនអោយកូនជ្រូកហើយពោះទាន់ទេ :-D កូនជ្រូកជាច្រើនត្រូវបានខ្ញុំសំលាប់ម្តងមួយៗ ដោយសារតែការទាល់លុយរបស់ខ្ញុំ :-( ។ ប៉ុន្តែលើកនេះខុសពីលើកមុនៗ ខ្ញុំមានគោលដៅមួយគឺសន្សំលុយអោយបាន 10លានរៀល ក្នុងរយៈពេល 1200 ថ្ងៃបើគិតទៅ គោលដៅនេះនឹងបញ្ចប់ទៅនៅថ្ងៃទី 1 ខែមករា ឆ្នាំ 2022 ដោយ App បានព្យាករអោយខ្ញុំថាដាក់ត្រឹមតែ 9000 រៀលក្នុងមួយថ្ងៃ គឺបានហើយបើសិនណាជាខ្ញុំដាក់លុយចូលរាល់ថ្ងៃទៀងទាត់ ហើយគ្រប់ចំនួន ហើយក៏សង្ឃឹមថាបានលើស ១០លានរៀល ហើយក៏សង្ឃឹមថាស្តួចស្ដើងថាខ្លួនឯងប្រាកដជាធ្វើបាន :-D ។ រយៈពេល 1200ថ្ងៃវាពិតជាយូរណាស់ ហើយខ្ញុំក៏ជាមនុស្សមិនសូវចេះអំណត់ផង មិនថាអាចធ្វើបានឬក៏យ៉ាងណាទេ :- D ។ ក្នុងរយៈពេលនេះខ្ញុំមានការសន្សំលុយពីរ គឺសន្សំក្នុងកូនធុង មួយទៀតសន្សំក្នុងការបូបលុយ :-D ។ ក្នុងមួយថ្ងៃខ្ញុំអាចរកបានចន្លោះពី 30000៛ ទៅ 50000៛ អាស្រ័យទៅលើជំនាញកឹបកេងរបស់ខ្ញុំ ហើយក៏អាស្រ័យទៅលើចំនួនភ្ញៀវផងដែរ។ ហេតុផលដែលខ្ញុំកឹបកេង គឺខ្ញុំគ្មានប្រាប់ខែទេ មានតែប្រាក់កឹបកេងហ្នឹងឯង ហើយបើខ្ញុំចង់ទិញអ្វីមួយ ខ្ញុំសុំគាត់ក៏គាត់មិនអោយដែរ ខ្ញុំក៏មិនចង់អោយគាត់ដកលុយអោយខ្ញុំដែរ ព្រោះខ្ញុំមិនចង់អោយម៉ាក់ដកលុយដើមរកស៊ីមកអោយខ្ញុំទិញរបស់អត់ប្រយោជន៍នោះដែរ ព្រោះគ្រួសារយើងពេលនេះមិនទាន់ធូរធាទេ។
   ជាចុងក្រោយនេះខ្ញុំសង្ឃឹមថាបំណងប្រាថ្នារបស់ខ្ញុំ ខ្ញុំនឹងព្យាយាមធ្វើវាអោយសំរេចដើម្បី អោយគាត់ឃើញថាខ្ញុំចេះគិតហើយ មិនខ្ជះខ្ជាយដូចមុនទៀតទេ :-) ៕

នេះជារូបកូនជ្រូកបច្ចុប្បន្ន អាចដកបានតាមចិត្ត ប្រើវិញបាន

Sunday, November 25, 2018

ពិធីបុណ្យអុំទូកចប់ហើយ

Chhay Sam Ol Dara 11:09 PM បុណ្យអុំទូក , អត្ថបទថ្មីៗ 0 Comments

   សួស្តីមិត្តអ្នកអានទាំងអស់គ្នា! ខ្ញុំដឹងថាមិនមានអ្នកណាចូលមកអានទេ ប៉ុន្តែខ្ញុំនៅតែសួស្តីមិត្តហើយសង្ឃឹមថានឹងមានអ្នកចូលមកអានឆាប់ៗនេះ ហាសហា :-D ។ ពិធីបុណ្យអុំទូកឆ្នាំ 2018 បានចប់ទៅទាំងស្រុងហើយ យ៉ាងរលូនតែម្តង ឆ្នាំនេះពិធីបុណ្យអុំទូក នៅខេត្តខ្ញុំ គឺនៅពោធិ៍សាត់គឺមានរយៈពេលដល់ទៅ៥ថ្ងៃ គឺបុណ្យអុំទូកខេត្តរយៈពេល២ថ្ងៃ និងបុណ្យអុំទូកជាតិរយៈពេល៣ថ្ងៃគឺប្រព្រឹត្តទៅបន្តបន្ទាប់គ្នាតែម្តង។ ឆ្នាំចាស់ 2016 គឺយាយខ្ញុំគាត់មានជំងឺឈឺធ្ងន់ ហើយឆ្នាំ 2017 គឺគាត់បានទទួលអនិច្ចកម្មហើយ ចំនែកឆ្នាំ 2018 គឺប្អូនខ្ញុំចាប់កំណើតបាន១ឆ្នាំហើយ។ ចំនែកអ្វីដែលមិនខុសពីរាល់ឆ្នាំនោះគឺ ខ្ញុំនៅតែឯកាដដែល កំសត់ណាស់ :-( គឺថាឯការាល់ឆ្នាំ ឆ្នាំណាក៏ដូចឆ្នាំណាដែរ គឺមិនខុសគ្នាទេ តែឆ្នាំនេះពិសេសបន្តិចគឺខ្ញុំបានដើរលេងច្រើន ជាពិសេសបានជួបស្រីស្អាតជាច្រើនសុទ្ធតែស្អាតៗ :-D ប៉ុន្តែមានស្រីស្អាតម្នាក់នោះខ្ញុំចាប់អារម្មណ៍ជាងគេ :x ស្អាតហ្អា ស្អាតហើយសុភាពទៀត :-D គួរអោយស្រលាញ់ហ្មងនិយាយទៅ :-D គេជាបងប្អូនរបស់ប្អូនៗដែលស្គាល់ បានជួបគេ៣ថ្ងៃ អត់ហ៊ានទាំងមើលមុខគេផង :-( គិតថាថ្ងៃទី៤ គឺចង់ធ្វើការស្គាល់គ្នាជាមួយគេ :-D ស្រាប់តែគេទៅភ្នំពេញបាត់ ស៊យណាស់ចង់ស្គាល់ក៏មិនបានស្គាល់ដែរ :-( មិនដឹងឆ្នាំណាបានជួបទៀតផង ព្រោះមិនមែនអ្នកពោធិ៍សាត់ផង ហាសហា ។
   បុណ្យអុំទូកឆ្នាំនេះពិសេសជារាល់ឆ្នាំ គឺថា ហាងក៏លក់ដាច់ ម៉ាកប៉ាគាត់បានសប្បាយចិត្តដើរលេងដោយមិនខ្វល់ខ្វាយ ខ្ញុំវិញក៏បានដើរលេងច្រើនដែរ មិនសំងំនៅផ្ទះដូចមុនទៀតទេ ចេញមកមើលមនុស្សលើកោះ :-D ឃើញគេមានគូរ គេបង្ហោះគោម គេបណ្តែតប្រទីបជាមួយគ្នា ឃើញចឹងឈឺចិត្តណាស់ព្រោះថា អត់មានគូរនិងគេ ធ្វើម៉ិចយើងមនុស្សឯកា មិនសូវមានមិត្តរាប់អានច្រើន តែយ៉ាងណាឆ្នាំនេះក៏គ្រាន់ជាងរាល់ឆ្នាំដែរ បានជួបប្អូនៗ បានប្អូនៗហៅច្រើន :-D មានអីសប្បាយម្យ៉ាងដែរតើ ហើយថែមទាំងបានស្គាល់ CRUSH ទៀត :-D គ្រាន់តែមិនបាននិយាយគ្នា :-( ។
   ជាចុងក្រោយសង្ឃឹមថាប្អូនៗ និងមិត្តភក្តិទាំងអស់គ្នាត្រលប់ទៅសិក្សា និង ធ្វើការវិញដោយសុវត្តិភាព និងមានភាពរីករាយរាល់ថ្ងៃ ហើយក៏អធិដ្ឋានអោយបានជួបមុខក្រាស់រៀងរាល់ឆ្នាំ :-D ចង់ធ្វើការស្គាល់គ្នាជាមួយគេអោយបានច្រើន :-D ហាសហា បាយបាយ លាហើយប្រិយមិត្តអ្នកអានទាំងអស់គ្នា។

រូបភាពអនុស្សាវរីយ៍

អូអូភ្លេចប្រាប់ លេខទូរស័ព្ទសុំប្អូនគេបានហើយ :-D Friend ក្នុង FACEBOOK ក៏បាន ADD ហើយដែរ :-D ( ពេលមុន ADD បានស្គាល់ Account គេហើយតែធ្វើជាមិនស្គាល់អោយក្មេងៗ វា Mention Account គេមកយើង ADD ទៅងាយស្រួល :-D ) នៅឡើយតែ CHAT ទៅគេទេហាសហា លាហើយ រីករាយបុណ្យអុំទូកអ្នកទាំងអស់គ្នា <3 ៕

Sunday, October 7, 2018

ក្មេងមិនល្អ

Chhay Sam Ol Dara 11:40 PM កំណត់ហេតុខ្ញុំ , ជីវិត 0 Comments

សួស្តីមិត្តអ្នកអានជាទីស្រលាញ‌់! ថ្ងៃខ្ញុំវិលមកសរសេរអត្ថបទមួយបន្ថែមទៀតហើយ។ មិនមែនដោយសារតែខ្ញុំមិនសប្បាយចិត្ត ខ្ញុំលក់មិនដាច់ទើបមកសរសេរអត្ថបទទេ គឺដោយសារតែយប់នេះខ្ញុំសប្បាយចិត្តពេកទើបចង់រំលឹកអតីតកាលដ៏គួរអោយស្អប់ខ្ពើមមួយមកនិយាយ គឺទាក់ទងនិងខ្លួនឯងតែម្តង :-D ។

ថ្ងៃនេះខ្ញុំចង់រំលឹកពីអតីតកាលមួយកាលពីកុមារ បើនិយាយទៅគឺពីតូចរហូតដល់វិទ្យាល័យ។ ខ្ញុំឈ្មោះដារ៉ា ខ្ញុំកើតនៅក្នុងគ្រួសារមានជីវភាពធូធារមួយ បើមើលពីខាងក្រៅ ខ្ញុំគឺជាក្មេងដែលខូច មិនសូវចូលរៀនទេ គឺកាលពីក្មេងចូលចិត្តគេសាលាទៅមើល រឿងតុក្តា រឿងមនុស្សយន្ត ( Power Ranger , Kamen Rider ) បើក្រៅពីទៅមើលរឿងគឺមានតែគេចសាលាទៅលេងហ្គេម ហើយបើនិយាយពីកង់វិញ គឺបាត់មិនតិចទេ ទាំងនៅសាលានិងនៅហាងហ្គេម។ កាលពីក្មេងខ្ញុំចាយលុយខ្ជះខ្ជាយណាស់ គឺអាងតែម្តាយរកលុយបានចេះតែចាយមិនគីត តែតាមពិតស្ថានភាពយើងគឺមិនល្អទេ គាត់រកមិនសូវបានទេនៅពេលនោះ ប៉ុន្តែគាត់បានផ្តល់អោយខ្ញុំគ្រប់យ៉ាងនៅអ្វីដែលខ្ញុំចង់បាន។ ហេតុដូចនេះហើយទើបខ្ញុំចាយលុយមិនចេះស្តាយសោះ ចាយមិនគ្រប់លួចបន្ថែម លួចមិនតិចទេ មួយថ្ងៃ 10000 រៀល ចាយតែមួយថ្ងៃទេអស់ហើយ ទិញរបស់លេង ទិញនំ ទិញប្រហិត និងចាយវាយផ្សេងៗទៀត។ កាលពីខ្ញុំនៅតូចលុយត្រឹមតែ10000រៀល គឺច្រើនណាស់ បើគិតទៅ បាយស្រូបពេលព្រឹក មួយចានតែ500 ទៅ 1000 រៀលទេ បើនិយាយពីសាំងវិញគឺត្រឹមតែ 1500 រៀលក្នុងមួយលីត្រ បើប្រៀបធៀបជាមួយពេលនេះ 10000 រៀលពីមុនអាចស្មើរនិង 20000 រៀល ទៅ 30000 រៀលក្នុងពេលនេះ។ កាលពីក្មេងខ្ញុំមិនចេះគិតទេ គិតតែពីចាយ ចាយរហូតចង់បានអីសុំ សុំមិនបានលួច លួចមិនចេះតិចទេ ចាយដូចកូនសេដ្ឋី ។ ខ្ញុំនៅចាំមានពេល ខ្ញុំចង់រៀនកុំព្យូទ័រ ខ្ញុំសុំគាត់ទៅរៀន គាត់ថាកុំទាន់អីនៅក្មេងណាស់ ប៉ុន្តែខ្ញុំមិនស្តាប់ទេ ខ្ញុំថែមទាំងបង់លុយទៅរៀនទៀត ប៉ុន្តែរៀនមិនបានប៉ុន្មានថ្ងៃទេ ខ្ញុំលែងទៅរហូតសូម្បីមិត្តភក្តិខ្ញុំក៏សួរដែរ ហេតុអ្វីមិនទៅរៀនទៀត។ នឹកឃើញរឿងពីក្មេងគឺពិតជាធ្វើអោយខ្ញុំស្អប់ខ្លួនឯងណាស់ ខឹងខ្លួនឯងណាស់ ខឹងរហូតមកដល់សព្វថ្ងៃ ហេតុអ្វីមិនខំរៀន ហេតុអ្វីចាយលុយមិនចេះគិត មិនចេះសន្សំ ចាយខុសគោលដៅ ទាំងម្តាយឪពុកខំរកលុយទាំងលំបាក ។ ងាកមកមើលពេលនេះវិញ ខ្ញុំមិនសូវបានចាយលុយដូចពីមុនទៀតទេ លុយពីបាករកណាស់ ខ្ញុំខំរកលុយជួូយម្តាយ គាត់ក៏ខំរកលុយផងដើម្បីដោះបំណុលគេ ដើម្បីគេចចេញពីភាពក្រ ពួកយើងមិនក្រដល់ថ្នាក់អត់អ្វីញ៉ាំទេ តែយើងជំពាក់បំណុលគេច្រើន យើងត្រូវចាយរិះខាំ សន្សំសំចៃ ដើម្បីរត់ចេញពីវិបត្តិមួយនេះ យើងចង់បានជីវភាពប្រសើរជាងសព្វថ្ងៃ។

ចុងក្រោយនេះខ្ញុំមិនមានអ្វីសរសេរទៀតនោះទេ ព្រោះមិនមែនអ្នកពូកែតែងសេចក្តីផង តែអ្វីដែលខ្ញុំចង់បាន គឺចង់អោយអ្នកទាំងអស់គ្នាជួយ លើកទឹកចិត្តខ្ញុំផងដើម្បី អោយខ្ញុំបានសកម្មក្នុងការបញ្ចេញអត្ថបទថ្មីៗ អ្នកទាំងអស់គ្នាដឹងទេខ្ញុំខ្ចីលណាស់ ចង់អោយអ្នកទាំងអស់គ្នាគាំទ្រ ចង់ឃើញមានអ្នកអាន :-D ខ្ញុំដឹងថាមិនសូវមានអ្នកអានទេ ព្រោះខ្ញុំគ្រាន់តែសរសេរទុកក្នុង Blogger ហើយក៏មិនចង់ចែកចាយទៅណាដែរ គឺមានតែអ្នកដែលសំណាងទេទើបបានមកដល់ទីនេះ។ លាហើយអ្នកទាំងអស់គ្នាជួបគ្នាថ្ងៃក្រោយទៀត រីករាយក្នុងពីធីបុណ្យភ្ជុំបិណ្យ សូមជួបតែសំណាងល្អ៕

ហាងរបស់ខ្ញុំ

Chhay Sam Ol Dara 11:08 PM កំណត់ហេតុខ្ញុំ , កំសត់ 0 Comments

សួស្តីអ្នកទាំងអស់គ្នា ថ្ងៃនេះបានមកសរសេរអត្ថបទៀតហើយ ហើយមានតែរឿងដដែលទេ មិនមានរឿងអ្វីថ្មីឡើយ។ អ្នកទាំងអស់គ្នាដែលធ្លាប់អានអត្ថបទរបស់ខ្ញុំមានធ្លាប់ឆ្ងល់ទេ ហេតុអ្វីពេលដែលខ្ញុំសរសេរអត្ថបទម្តងៗ ជាពេលដែលលក់មិនដាច់អ៊ីចឹង តើសព្វថ្ងៃខ្ញុំរកស៊ីអ្វី រកស៊ីរយៈពេលប៉ុន្មានឆ្នាំហើយ ដូច្នេះហើយ ថ្ងៃនេះខ្ញុំចង់សរសេរ អំពីហាងរបស់ខ្ញុំ ចង់អោយអ្នកទាំងអស់គ្នាដឹងថា ខ្ញុំបរាជ័យប៉ុណ្ណា។
ឥលូវខ្ញុំចាប់ផ្តើមនិទានហើយណា កាលពីអំឡុងឆ្នាំ90ជាងម្តាយខ្ញុំជាអ្នកលក់អីវ៉ាន់ក្មេងលេង (Toy) រហូតមកដល់ឆ្នាំ2000 គ្រួសាររបស់ខ្ញុំបានផ្លាស់ប្តូរមករស់នៅឯទីរួមខេត្តពោធិ៍សាត់ គាត់ចាប់ផ្តើមជាមួយអាជីបជាអ្នកលក់អាហារពេលព្រឹក ដែលភាគច្រើនគេលក់បានសាច់ជ្រូ សាច់មាន់ កាហ្វេ អីហ្នឹងបន្ទាប់មកដោយឃើញថាវាមិនសូវជាកាក់កប គាត់ប្តូរមកបើកជាកន្លែងលេងបុកបីយ៉ា (Pool) ដែលកាលមុនរបសនេះជារបរស្របច្បាប់នៅឡើងទេ ។ លុះក្រោយមកយើងបានប្តូរទីតាំងមកបើកហាងនិយាយទូរសព្ទ ដែលកាលសម័យមុនការនិយាយ
មានតំលៃថ្លៃម្នាក់ៗមិនទាន់មាលទ្ធភាពទិញប្រើផ្ទាល់ខ្លួន យូរៗទៅយើងក៏វិវឌ្ឍន៍មកជាហាងលក់ទូរសព្ទ ប៉ុន្តែពេលនោះមិនទទួលជោគជ័យទេ ដោយសារតែយើងមិនហ៊ានទទួលទិញទូរសព្ទមួយទឹកចូលវិញ ហើយយើងភាគច្រើនលក់តែទូរសព្ទចិន រហូតមកដល់ឆ្នាំ2016 ទើបយើងចាប់ផ្តើមលក់នៅផលិតផលថ្មីៗដែលមានគុណភាពខ្ពស់ ដូចជា Apple Samsung Huawei Oppo ជាដើម។ ការលក់សព្វថ្ងៃមិនជាជោគជ័យច្រើនទេ តែវាជោគជ័យជាងពីអតីតកាលដ៏ជូរចត់របស់យើង ដែលកាលពីអតីតកាលយើងលក់បង់តែការប្រាក់មិនចង់គ្រប់ផង។ ហេតុផលខាងលើនេះហើយដែលធ្វើអោយគ្រួសារយើងធ្លាក់ក្នុងវិបត្តសេដ្ឋកិច្ចធ្ងន់បែបនេះ ម៉ាក់មួយថ្ងៃៗមិនដែលសប្បាយចិត្តទេ ព្រោះការលក់មិនបានចំណូលគ្រប់គ្រាន់ ព្រោះការលក់របស់ដែលមានគុណភាពមិនល្អមិនអាចអោយយើងចំណេញខ្ពស់បានទេ ព្រោះវាប្រើប្រាស់មិនបានយូរ ជួនកាលមិនទាន់បានលក់ផង ខូចបាត់ទៅហើយ បើខូចមានន័យថាខាត តើយើងទៅរកប្រាក់ចំណេញមកពីណាទៅ។ មួយទៀតវិញនោះគឺហាងយើងកាលពីមុនមិនមានលក់ គ្រឿងបន្ទាប់បន្សំផ្សេងៗទេ (Accessories) ដែលមានដូចជាឆ្នាំសាក កាស និងគ្រើងផ្សេងៗទៀត រហូតមកដល់ឆ្នាំ 2013 ទើបយើងចាប់ផ្តើមលក់ Smart Phone និងកាត់បន្ថយនៅការលក់ទូរសព្ទចិន ។ ការផ្លាស់ប្តូរមកលក់ Smart Phone កាលនោះក៏មិនបានអោយយើងទទួលនៅប្រាក់ចំណេញច្រើនដែរ ព្រោះទូរសព្ទដែលយើងលក់ពេលនោះជាប្រភេទពពួក តំឡើងថ្មី (Refurbished Phone) ដែលមាននៃថាទូរសព្ទគឺត្រូវបានជួសជុលហើយដាក់លក់សារជាថ្មី តែវាមិនមែនជួសជុលដោយក្រុមហ៊ុនទេ គឺវាជួសជុលតំឡើងសំបកថ្មី ដោយហាងដែលបាននាំចូល ចឹងហើយគុណភាពវាមិនសូវជាល្អប៉ុន្មានទេ វាក៏មិនខុសពីទូរសព្ទរបស់ចិនដែរ ការលក់បែបនេះវាបានបន្តមកដល់ ចុងឆ្នាំ 2016 ដោយមើលឃើញថាស្ថិតិការលក់របស់យើងមានការកើនឡើងនោះ ពួកយើងបានពិភាក្សាគ្នាដើម្បីខ្ចីលុយធនាគាមកបន្ថែមនៅដើមទុន ពេលនេះហើយដែលជីវិតយើងបានផ្លាស់ប្តូរតែវាមិនបានផ្លាស់ប្តូរច្រើនទេ តែវាល្អជាកាលពីមុនដែលយើងរកលុយបង់ការប្រាក់មិនចង់គ្រប់ បានប្តូរមកជាបង់ទាំងដើមនិងការគ្រប់សម្រាប់ខែនីមួយៗ។ លទ្ធនេះបើយើងមើលទៅវាល្អវាធ្វើអោយយើងមានអារម្មណ៍ធូស្បើយជាងមុន តែបើយើងសំលឹងមើលទៅពេលអនាគតវិញវាមិនល្អទេ ព្រោះថាយើងរកមកបង់តែធនាគាមិនមានសល់ដើម្បីពង្រីកហាងនិងការជួសជុលហាងឡើង ហេតុដែលខ្ញុំនិយាយដូចនេះព្រោះហាងរបស់គេបានរីកធំធាត់អស់ហើយ មានតែហាងខ្ញុំទេដែលរកប្រាក់មបានត្រឹមតែដោះស្រាយវិបត្តិគ្រួសារ។ តែយ៉ាងណាក៏វាល្អដែរ តែខ្ញុំមិនចង់ល្អត្រឹមនេះឡើយខ្ញុំចង់ល្អជាងនេះ ខ្ញុំចង់មានអតិថិជនច្រើនជាងនេះ ដូចនេះហើយខ្ញុំត្រូវតែខំប្រឹង ដើម្បីគ្រួសារខ្ញុំ។
ជាចុងបញ្ចប់ ខ្ញុំមានតែពាក្យថា ខ្ញុំសូមអរគុណអតិថិជនទាំងអស់គ្នាដែលតែងតែគាំទ្រហាងខ្ញុំតាំងដើមមក បើគ្នាអ្នកទាំងអស់គ្នាទេ ហាងរបស់ខ្ញុំមិនអាចរស់បានមកដល់ថ្ងៃនេះទេ ប្រហែលជាក្ស័យធុនបាត់ទៅហើយ។ ហេតុផលដែលយើងសម្រេចជោគជ័យមានដល់ថ្ងៃនេះគឺមកពីការហ៊ានប្រថុយ ដើម្បីទទួលបាននៅលទ្ធផល។ ម្តាយខ្ញុំជាអ្នកដែលខ្លាចនិងមិនចង់ខ្ចីលុយធនាគាឡើយ តែបើពេលនោះយើងមិនហ៊ានសាកល្បង យើងក៏មិនបានលទ្ធផលអ្វីដែរ។ ចុងក្រោយខ្ញុំគ្រាន់តែចង់ប្រាប់អ្នកទាំងអស់គ្នាត្រូវតែហ៊ាន ប្រថុយ ហ៊ានសាកល្បងគំនិតថ្មីៗ ប៉ុន្តែអ្នកទាំងអស់គ្នាត្រូវសាកល្បងអោយបានច្បាស់ ដើម្បីអោយការហ៊ានសាកល្បងរបស់យើងទទួលនៅលទ្ធផលវិជ្ជមាន៕

Friday, August 17, 2018

ពូខ្ញុំ

Chhay Sam Ol Dara 11:09 PM Hun Vannath , ហ៊ុន វណ្ណាត 0 Comments

សួស្តីមិត្តអ្នកអានទាំងអស់គ្នា! ថ្ងៃនេះខ្ញុំមិនមានគំរោងនឹងមកសរសេរអត្ថបទទេ ប៉ុន្តែអោយសារតែថ្ងៃខ្ញុំបានឃើញនៅ Post មួយនៅក្នុង Facebook ធ្វើអោយខ្ញុំរន្ធត់ចិត្តមែនទែន គឺខ្ញុំបានឃើញគេ Comment នៅរូបរបស់ពូខ្ញុំដែលគាត់បានបែកក្បាលអស់មួយចំហៀង។ ខ្ញុំស្ទើរតែភ្លេចថាពូខ្ញុំគាត់ឈឹបាត់ទៅហើយ ព្រោះខ្ញុំមិនសូវបានទៅសួរសុខទុក្ខគាត់ទេព្រោះតែរវល់តែជួយម៉ាក់នៅហាង តាមពិតមិនជារវល់ណាស់ណាទេគ្រាន់តែម៉ាក់ខ្ញុំគាត់មិនអោយខ្ញុំទៅ ព្រោះរៀងរាល់ពេលដែលគាត់ទៅលេង គាត់ហាមមិនអោយខ្ញុំទៅជាមួយទេដើម្បីអោយខ្ញុំនៅបិទហាង។ និយាយទៅពេលដែលឃើញរូបគាត់ពិតជាធ្វើអោយខ្ញុំភ្ញាក់ខ្លួនថាជាក្មួយមិនល្អម្នាក់ ព្រោះតាំងពីគាត់ឈឺមកខ្ញុំមិនសូវបានទៅមើលគាត់ទេ តាំងពីពេលគាត់នៅមន្ទីពេទ្យរហូតដល់គាត់ចេញពីមន្ទីពេទ្យមកវិញ។

ពូខ្ញុំគាត់ឈ្មោះ ហ៊ុន វណ្ណាត សព្វថ្ងៃគាត់ជាគ្រូបង្រៀនផង និងជាអ្នករកស៊ីបន្តិចបន្តួចផងនៅផ្ទះ គ្រាន់ចិញ្ចឹមគ្រួសារ។ គាត់ជាកូនទី4 ហើយក៏ជាកូនទី៣ដែរ ព្រោះតែគាត់បានកើតដល់ទៅពីរជាតិឯណោះ និយាយទៅប្រហែលជាអ្នកមិនជឿរខ្ញុំទេមើលទៅ ប៉ុន្តែខ្ញុំនិយាយនេះគឺជាការពិត គាត់បានកើតជាម្តងហើយ ហើយគាត់បានស្លាប់ទៅវិញដោយសារតែជំងឺកញ្រ្ឋិល ហើយគាត់បានចាប់ជាតិមកវិញម្តងទៀតក្នុងគ្រួសាររបស់គាត់ដដែល មូលហេតុដែលយើងជឿរថាគាត់ចាប់ជាតិមកវិញ ព្រោះចាំគ្រប់រឿងនៅជាតិមុនរបស់គាត់។ គាត់សព្វថ្ងៃមានជិត 40 ហើយប៉ុន្តែមិនទាន់មានប្រពន្ធទេដោយសារតែគាត់មិនទាន់ត្រូវចិត្ត មានគេស្រលាញ់គាត់ច្រើន តែប្រហែលជាមិនទាល់ដល់គូររបស់គាត់ទើបគាត់នៅលីវមកដល់ពេលនេះ នៅលីវដូចក្មួយគាត់ដែរហិហិ។ គាត់ជាមនុស្សចិត្តល្អណាស់ ចូលចិត្តធ្វើបុណ្យ ចូលចិត្តជួយគេ មានពេលម្តងខ្ញុំពិតជាខឹងគាត់ណាស់ខឹងមែនទេ កាលហ្នឹងគាត់ជិះម៉ូតូទៅលេងស្រុកកំណើតជាមួយខ្ញុំហើយគាត់ជិះទៅក៏បានអ្នកសុំទានម្នាក់ គាត់ជិះហួសហើយគាត់បែរជិះបកក្រោយវិញហើយហុចលុចអោយមីងហ្នឹង10000រៀល ពេលហ្នឹងខ្ញុំខឹងមែនទែន ខ្ញុំមិនជំទាស់គាត់អោយលុយទៅអ្នកសុំទានទេ ខ្ញុំខឹងគាត់អោយលុយមនុស្សខុស មីងហ្នឹងជាមនុស្សដែលបោកគេ ដើរតែនិយាយថាសុំលុយទៅស្រុកវិញ ហើយម្តងមិនចេះតិចទេសុទ្ធតែ 5000រៀល ឬ 10000រៀល បើអ្នកឯងអោយ2000 អីថាអោយវិញទៀត ថាអោយជិះសុទ្ធតែឡានអោយ 2000រៀល មួយទៀតវាមិនដែលម៉ែអាណាសុំលុយរាប់ឆ្នាំហើយមិនទាន់គ្រប់លុយទៅស្រុក :-D អានេះជារបររបស់គេមិនដឹងធ្វើម៉ិចដែរ បើខ្ញុំវិញមិនអោយទេ។ និយាយពីខ្ញុំវិញគាត់សង្ហារគ្រាន់បើដែរសង្ហារបែបអ្នកជនបទ ហាសហា គ្រាន់តែស្គមបន្តិច តែខ្ពស់ណាស់ បងប្អូនខ្ញុំសុទ្ធតែខ្ពស់ អត់តែខ្ញុំទេទាបកំពស់ 1,68ម៉ែត្រ ហាសហា នឹកឃើញរឿងកំពស់អន់ចិត្តហ្មង ធ្វើម៉ិចកើតមកមិនសូវខ្ពស់ដូចគេ កើតមកមិនសូវមិនមែនជាកំហុសរបស់ខ្ញុំទេ តែកើតមកហើយធាត់ទើបជាកំហុសរបស់ខ្ញុំព្រោះថាសព្វថ្ងៃនេះទំងន់ប្រហែល 102 គីឡូក្រាមហើយ ចង់ស្រក់វិញណាស់ ។

Hmmmmmm! ពេលនេះគាត់លែងសង្ហារដូចមុនទៀតហើយព្រោះ កាលពីប៉ុន្មានខែមុនគាត់បានជួបគ្រោះថ្នាក់ចរាចរណ៍ ដោយសារតែគាត់ជិះម៉ូតូមិនបានពាក់មួយសុវត្ថិភាព រាល់ដងគាត់ពាក់មកធ្វើការជាធម្មតា តែថ្ងៃដែលគាត់ជួបគ្រោះថ្នាក់ចរាចរណ៍បែជាគាត់មិនបានពាក់ទៅវិញ ពិតជាស៊យណាស់។ ខ្ញុំនៅចាំថាថ្ងៃដែលគាត់គ្រោះថ្នាក់គឺជាថ្ងៃដែលពួកយើងជួបជុំគ្រួសារនៅឯស្រុកកំណើតរបស់ប៉ាម៉ាក់ខ្ញុំ ថ្ងៃនោះពួកយើងពិតជាសប្បាយមែនទែន តែពេលនោះគាត់មិនបាននៅជុំជាមួយពួកយើងទេគឺគាត់បានទៅខេត្តដើម្បីបំពេញបេសកម្មមួយ ពួកយើងគ្រប់គ្នារួមទាំងមិត្តរួមការងាររបស់គាត់បានឃាត់គាត់អោយនៅសម្រាកនៅខេត្តទៅ កុំត្រលប់ទៅផ្ទះវិញអីព្រោះយប់ហើយ ចាំព្រឹកចាំទៅវិញ ប៉ុន្តែពូគាត់មិនស្តាប់ទេ គាត់ត្រូវតែត្រលប់ទៅវិញយប់នោះ ប្រហែលជាគាត់មានការងារត្រូវធ្វើនៅផ្ទះហើយទើបគាត់ត្រូវទៅវិញទាំងយប់។ ពេលនោះហើយជាពេលដែលពួកយើងមិនស្មានថាវាកើតឡើងមកលើគ្រួសារយើង ពេលដែលម៉ាក់ខ្ញុំគាត់ត្រលប់មកផ្ទះរបស់យើងវិញប្អូនរបស់គាត់បានខលមកប្រាប់ថាបងណាតគាត់ដួលម៉ូតូហើយ ឃើញបែកក្បាលហើយក្អួតឈាមមិនឈប់សោះ ម៉ាក់គាត់មិនស្រួលក្នុងចិត្តគាត់ក៏ប្រញ៉ាប់យកពូមកមន្ទីពេទ្យខេត្ត មកដល់ចូលក្នុងបន្ទប់ពេទ្យគេថាពូខ្ញុំមិនអីទេគ្រាន់តែរបួសបន្តិចបន្តួចប៉ុណ្ណោះ។ យប់បន្តិចអ្នកដែលនៅមើលពូនៅមន្ទីពេទ្យបានប្រាប់ថា ពូគាត់មើលទៅអាការៈគាត់ដូចមិនស្រួលសោះ ក្អួតចេញឈាមមកមិនបាត់សោះ ម៉ាក់ខ្ញុំក៏បានអោយប្អូនខ្ញុំប្រញ៉ាប់យកទៅមន្ទីពេទ្យនៅឯរាជធានីភ្នំពេញវិញ ដោយយកឡានផ្ទាល់ខ្លួនតែម្តង ព្រោះរថយន្តសង្គ្រោះបន្ទាន់បានប្រើការអស់ហើយ មិនមានជំរើសគឺមានតែយកគាត់ដាក់ឡានរបស់យើងជូនគាត់ទៅ និយាយទៅពិតជាសំណាងខ្លាំងណាស់ដែលបានយកគាត់ទៅភ្នំពេញទាំងយប់ ហើយកាន់តែសំណាងទៀតនោះគឺគាត់មិនមានបញ្ហាពេលយើងបញ្ជូនគាត់មកភ្នំពេញ បើយប់នោះយើងយឺតតែ 2 ឬ 3 ម៉ោងពូរបស់ខ្ញុំប្រហែលជាលាខ្ញុំបាត់ទៅហើយ :-( ។ ទៅដល់ភ្នំពេញ គេបាន Scan ខួរក្បាល ពេទ្យបានប្រាប់ថា ពូត្រូវតែប្រញ៉ាប់ធ្វើការវះកាត់ឈាមកកក្នុងខួរក្បាលភ្លាម។ បន្ទាប់ពីវះកាត់ទទួលបានជោកជ័យ ពេទ្យបាន សន្និដ្ឋានជំហ៊ានដំបូងថា គាត់ពិបាកនិងដឹងខ្លួនណាស់ បើសិនជាដឹងក៏អាចជាមនុស្សរុក្ខជាតិ ពេលហ្នឹងពួកយើងភ័យណាស់ គ្មានអ្វីក្រៅពីអង្វរពេទ្យអោយគាត់ជួយព្យាបាលពូអោយជាសះស្បើយ ក្រៅពីពេទ្យយើងក៏បានធ្វើការបន់ស្រន់ទៅលើទេវតា អ្នកថែរក្សារសូមជួយអោយគាត់ឆ្លងផុតគ្រោះថ្នាក់មួយនេះ។ រំលងបាន7ថ្ងៃពូខ្ញុំក៏បានដឹងខ្លួនវិញ ពិតជាឆាប់រហ័សមែនទែន សូម្បីតែលោកគ្រូអ្នកគ្រូពេទ្យក៏គាត់សឹងតែមិនជឿរដែរ ព្រោះពូខ្ញុំគាត់ដួលបោកក្បាលប៉ះខួរក្បាលធ្ងន់ធ្ងរខ្លាំងណាស់ បន្ទាប់ពីដឹងខ្លួនវិញគាត់ភ្លេចអ្វីៗអស់ហើយ ភ្លេចឈ្មោះ ភ្លេចផ្ទះខ្លួន ភ្លេចទាំងក្មួយសំលាញ់ចិត្តរបស់គាត់ទៀត ( ក្មួយដែលទើបនិងកើត ឈ្មោះ វឌ្ឍនៈ ) គ្រាន់តែដឹងថាយើងជាសាច់ញាតិគាត់តែប៉ុណ្ណឹង។ តែយ៉ាងណាក៏យើងពិតជាសប្បាយចិត្តមែនទែនដែលបានឃើញគាត់ដឹងខ្លួន បានឃើញមុខគាត់ ឃើញស្នាមញញឹមរបស់គាត់ក៏យើងអស់ចិត្តដែរ តែយើងនៅតែសង្ឃឹម ក៏ដូចជាព្យាយាមព្យាបាលគាត់បន្ថែមទៀតដើម្បីអោយគាត់វិញទៅរកសភាពដើមវិញនៅថ្ងៃណាមួយជាមិនខាន។ ជាចុងក្រោយខ្ញុំគ្មានពាក្យអ្វីច្រើនទេ គ្រាន់ទទូចដល់អ្នកដែលធ្វើដំណើរតាមរយៈម៉ូតូ សូមពាក់មួយសុវត្ថិភាពជាដាច់ខាត ព្រោះបើមានការប៉ះទង្គិចបន្តិចបន្តួចគឺមិនមានបញ្ហាធំដំទេ ស្រលាញ់ជីវិតរបស់អ្នកពាក់មួកសុវត្ថិភាព៕

Crush

Chhay Sam Ol Dara 12:11 AM កំណត់ហេតុខ្ញុំ , កំសត់ 0 Comments

សួស្តីអ្នកទាំងអស់គ្នា! អ្នកនិពន្ធអត្ថបទកំសត់ម្នាក់នេះត្រលប់មកវិញហើយ គឺត្រលប់មករៀបរាប់នៅបញ្ហាដែលនៅក្នុងចិត្តអោយអ្នកទាំងអស់គ្នាបានស្តាប់។ ថ្ងៃនេះ គឺជាថ្ងៃទី 17 ខែសីហា ឆ្នាំ2018 គឺជាថ្ងៃអផ្សុកមួយ មិនដឹងថាត្រូវធ្វើអ្វីដើម្បីបំបាត់ភាពអផ្សុកសោះ ក៏នឹកឃើញនៅគំនិតមួយគឺ មកសរសេរអត្ថបទដើម្បីលំហែអារម្មណ៍។ កាលពីមុនធ្លាប់បានសរសេរអំពីប្អូនប្រុស សរសេរពីមិត្តភក្រ្ត ថ្ងៃនេះសុំសរសេរពី Crush ម្តងហាសហា ។

ខ្ញុំចាប់ផ្តើមសរសេរហើយណា ខ្ញុំបានស្គាល់គេព្រោះគេបានមកទិញឥវាន់នៅហាងរបស់ខ្ញុំដូចជាទិញ Case ទិញ Simcard អីហ្នឹងភ្លេចអស់ហើយ គ្រាន់តែដឹងថាគេស្អាតណាស់។ បន្ទាប់ពីបានឃើញគេហើយ ក៏ទាញទូរសព្ទមកភ្លែតបើកកម្មវិធី Facebook មកហើយចូលកន្លែងស្វែងរក ដើម្បីរក Account របស់គេ។ ប៉ុន្តែខ្ញុំរកមិនឃើញទេ ព្រោះខ្ញុំមិនស្គាល់គេផង :-D ឈ្មោះក៏មិនស្គាល់ រៀនថ្នាក់ទីប៉ុន្មានក៏មិនស្គាល់ និយាយរួមមិនស្គាល់មិនដឹងពីគេទាំងអស់ ដឹងត្រឹមតែម៉្យាងគឺគេស្អាតណាស់ :-D រកយូរណាស់រកមិនឃើញ។ មានពេលមួយគយកទូរសព្ទមកធ្វើ ក៏ភ្លេចឆែកលេខ និងគណនី Facebook ទៀត ភ័យពេក ឃើញគេមកអៀនលែងបានធ្វើអ្វីអស់ហើយ។ យូរទៅក៏ដឹងថា គេជាមិត្តភក្រ័របស់ប្អូនដែលជាអតិថិជនហាងខ្ញុំ បើនិយាយអោយចំទៅគឺដូចប្អូនៗ អត់ហ៊ានសួរពួកវាទេខ្លាចពួកវាដឹង ក៏ខ្ចីទូរសព្ទពួកវាមកឆែកលេង ឆែកឃើញលេខទូរសព្ទ ឆែកឃើញគណនី Facebook ក៏អោយទូរសព្ទប្អូនៗវិញ។ បន្ទាប់មកយើងយកទូរសព្ទរបស់យើង Add ទៅគេម្តង តែគេមិន Accept សោះយូរទៅក៏ Cancel ហើយ Add ម្តងទៀត ធ្វើដដែលៗយូរទៅគេក៏ Accept ( Add ច្រើនដងព្រោះចង់អោយឈ្មោះយើងនៅលើគេ គេក៏មិនដឹងថាគណនី Facebook របស់ខ្ញុំដែរព្រោះខ្ញុំដាក់ Profile Picture រូប BAYMAX គេម៉ិចស្គាល់កើតហាសហា។ បាន Add គេហើយក៏មិនសួូវបានលេងជាមួយគេដែរ ក្រាន់តែ Like ចោល មិនសូវបាន Comment ទៅគេផងខ្លាចគេដឹងចិត្ត ណាមួយខ្ញុំពូកែអៀនផងហាសហា មុននឹង Comment ទៅមួយៗ គិតយូរៗណាស់ ខ្លាចគេអត់តប ទៅខ្លាស់គេ :-D ( ខ្មាស់គេអត់បើសិនជាគេតបគ្រប់ Comment ទៅ អត់តែយើង ) ។ ពេលដែលយើងខំមិនទៅគេមិនសូវតបយើងទេ យូរតបមួយ ហើយតបទៅដូចមិនចង់លេងជាមួយយើងអ៊ីចឹង យើងក៏ដឹងក្នុងចិត្តហើយប្រហែលគេមិនសាកសមនិងយើងទេ យើងមនុស្សល្អបែបមិនគួរទៅស្រលាញ់គេទៀតទេ :-D ។ តែយ៉ាងណាខ្ញុំក៏នៅតែមិនទាន់អស់ចិត្តដែរ ខ្ញុំក៏ដាច់ចិត្ត CHAT ទៅលេងគេ CHAT យូរទៅខ្ញុំក៏ប្រាប់គេថាខ្ញុំស្រលាញ់គេ ពេលនិងហើយដែលខ្ញុំបានចំលើយមកវិញ ចំលើយហ្នឹង អ្នកទាំងអស់គ្នាប្រាកដជាដឹងហើយ គ្មានអ្វីក្រៅពីគេបដិសេដទេ តែមិនបញ្ហាទេប៉ុណ្ណឹងក៏អស់ចិត្តដែរព្រោះបានចំលើយពិតប្រាកដមួយដែរ។ តាំងពីពេលនោះមកគេលែងមកទិញអ្វីនៅហាងខ្ញុំទៀតដែរ ខ្ញុំឃើញគេក៏មិនហ៊ានមើលមុខគេទៀតដែរ ខ្លាចគេជ្រិញខ្ញុំ :'( ។

ហាសហាប្រវត្តិលួចស្រលាញ់គេដ៏កំសត់មួយនេះក៏បានចប់ហើយដែរ តែប៉ុន្មានខែនេះឃើញគេមកជួយទិញវិញហើយតើ ឃើញញញឹមដាច់ខ្ញុំទៀតហ៎ 😍 តែលូវនេះដូចអត់ឃើញវិញទៀតហើយ 😂 សង្ស័យគេលែងមក Support យើងហើយមើលទៅ លើកនេះប្រហែលមែនទៀតហើយ 😅 ។ អាច ទំលាក់ Comment នៅខាងក្រោមបាន បើសិនជាមានសំនួរទាក់ទងនិងអត្ថបទមួយនេះ ទំលាក់មកភ្លាម តបភ្លែត ( Style គេលក់ Online ក្នុង Facebook )