សួស្តីអ្នកទាំងអស់គ្នា ហាសហា ថ្ងៃនេះរំលឹកពីអនុស្សាវរីយ៍ កាលនៅ ឆ្នាំ ២០០៧ ដល់ ២០១១ ។ កាលនោះមិនទាល់អភិវឌ្ឍន៍ដូចសព្វថ្ងៃទេ។ ឯការប្រើប្រាសទូរសព្ទដៃវិញក៏មិនទាន់ជាពេញនិយមដូចសព្វថ្ងៃដែរ។ និយាយពីជំនាន់ហ្នឹង ទូរសព្ទដែលពេញនិយមជាងគេ គឺមានតែ NOKIA និង SonyEricsson ទេ ដែល NOKIA មាន ពពួក S60v3 និង S40 ដែល S60v3 អាចដំឡើងនៅកម្មវិធីរបស់ S60v3 ផង និង JAVA ផង ចំណែកឯ Nokia ប្រភេទ S40 និង SonyEricsson វិញគឺអាចដំឡើងបានតែប្រភេទ JAVA ( .jar ) តែប៉ុណ្ណោះ ។
និយាយពីបណ្តាញសង្គមវិញ កាលហ្នឹងមិនទាន់មានអ្នក ពេញនិយម Facebook ឬ Instagram ទេ ដោយសារតែម្នាក់ៗមិនទាន់មាន LAPTOP ឬ Smart Phone ផ្ទាល់ខ្លួន។ ដូចច្នេះបណ្តាញសង្គមដែល ពេញនិយមជាងគេមាន Mig33 Nimbuzz eBuddy ។ Mig33 ជាបណ្តាញសង្គមដែលខ្ញុំប្រើយូរជាងគេ ក្នុងសម័យនោះ គឺខ្ញុំប្រើ តាំងពីឆ្នាំ ២០០៧ មក ព្រោះវាជាប្រភេទ JAVA អាចតំឡើងគ្រប់ទូរសព្ទ ណាមួយវាមានភាពងាយស្រួលក្នុងការប្រើប្រាស់ ចំណែកឯការរាប់អានមិត្តថ្មីក៏មានភាពងាយស្រួលដែល អ្នកគ្រាន់តែស្វែងរកបន្ទប់ជជែកកំសាន្ត មក ហើយចូលក្នុងបន្ទប់នោះនិងមាន មិត្តស្វាគមន៍អ្នកជាមិនខាន ដែលបន្ទប់ដែលត្រូវស្វែងរកមុនគេ គឺបន្ទប់ផ្លូវការរបស់ប្រទេសកម្ពុជា ( Cambodia ) បន្ទាប់ពីអ្នកលេងស្គាល់មិត្តភក្តិថ្មីៗជាច្រើន អ្នកអាច ជជែកកំសាន្តជាលក្ខៈ Private ក៏បាន ឬអ្នកក៏អាចបង្កើត បន្ទប់ឯកជនក៏បាន។ និយាយពីពាក្យដែលមនុស្សគ្រប់ពេញនិយមនៅពេលដែលស្គាល់គ្នាដំបូង គឺ ពាក្យ ASL គឺយើងត្រូវ សួរ អាយុ ភេទ ទីកន្លែងស្នាក់នៅរបស់ពួកគេ។ បន្ទាប់មកមានពាក WC WB។ Mig33 វាទាក់ទាញណាស់ព្រោះមាន Emoticon ស្អាតៗ មិនមានកម្មវិធីប្លែកៗ សំរាប់កំសាន្ត វាក៏មានល្បែកកំសាន្ត ដែរ ដែលល្បែងខ្លះត្រូវភ្នាល់ដាក់លុយ ល្បែងខ្លះ មិនដាក់លុយទេ។ ដែលល្បែងដាក់លុយដែលពេញនិយម មាន លេងគ្រាប់ឡុកឡាក់ លេងប៉ាវស៊ីងស៊ុង ។ ចំណែកល្បែងលេងមិនអស់លុយវិញ គឺលេង ចាប់ឆ្កែចចក :D។ វាពិតជាសប្បាយមាន អ្នកក៏អាចជូនការដូដល់មិត្តភក្តិរបស់អ្នកក៏បាន។ រហូតមកដល់ឆ្នាំ ២០១១ មនុស្សដែលលេង Mig33 ក៏កាន់តែខ្សត់ទៅៗ ព្រោះកំណើន SmartPhone កាន់តែច្រើន ព្រោះ Mig33 ជំនាន់ចាស់មិនគ្រាំទ្រ Android និង iOs ដូច្នេះ គេក៏ងាកមកប្រើ Facebook ចាប់ពីពេលនោះមក រហូតមកដល់ឆ្នាំ ២០១៣ គឺលែងមនុស្សលេង Mig33 តែម្តង ។
 |
| Mig33 Emoticon Free Pack |
 |
| Mig33 Login On Website |
 |
| Mig33 v4.20 |
24-12-2015
.png)
No comments:
Post a Comment