CHELSEA ឈ្នះពានរង្វាន់ UEFA Champion League ជាលើកដំបូង

ថ្ងៃនេះលក់អត់ដាច់អត់ហើយ កុំឆ្ងល់ច្រើនអោយតែលក់អត់ដាច់មានពេលសរសេរអត្ថបទហើយ ហាសហា :D :D ។ ថ្ងៃនេះរំលឹករឿងអនុស្សាវរីយ៍មួយដែលមិនអាចបំភ្លេចបានទេ ក្នុងជីវិត គឺក្រុមសំណព្វចិត្តឈ្នះពាលរង្វាន់ធំបំផុតក្នុងវិស័យបាល់ទាត់ក្លឹបអាជីពក្នុងពិភពបាល់ទាត់អឺរ៉ុប ។ កាលពីឆ្នាំ 2008 កាលនោះ ក្រុម Chelsea ប៉ះជាមួយ Manchester United ក្នុងព្រឹត្តិការណ៍នេះដូចគ្នា ដែលកាលនោះ យើងសង្ឃឹមថា 99% ទៅហើយថាយើងបានលើកពានរង្វាន់នេះតែមិនមានសំណាង ខ្សែរការពារ Jonh Terry ដែលជាប្រធានក្រុមផ្ទាល់បែរជាស៊ុត Penalty មិនចូលទៅវិញ :( ។ កាលនោះពិតជាសោកស្តាយខ្លាំងណាស់ដែលមិនអាចយកជ័យជំនេះដ៏ធំមួយនេះបាន :( នៅចាំបានថាកាលនោះគឺរៀនទី 11 កំពុងស្រលាញ់ក្រុមមួយនេះខ្លាំងណាស់គឺថាតាមដានព័ត៌មានសឹងតែរាល់សប្តាហ៍តែម្តង។

Manchester United vs Chelsea 1 1 Pens 6 5 Highlights & Goals Final UCL 2007 2008

Sometime You Learn. Sometime You Win

ងាកមកឆ្នាំ 2012 វិញម្តងយើងមានឳកាសឡើងវគ្គផ្តាច់ព្រ័ត្រម្តងទៀតដោយកាលនោះ យើងបានយកឈ្នះ Barcelona នៅក្នុងទឹកដីរបស់យើងដោយលទ្ធផល 1 ទល់និង 0 ។ បន្ទាប់មកទៀត មកទឹកដី Barcelona វិញយើងមិនមានសង្ឃឹមថាឈ្នះទេដោយម្នាក់ៗ នាំគ្នាបន់ស្រន់ :D កាលនេះ Barcelona បុកដល់ហើយបុកពោះសឹងតែគ្រប់នាទីតែម្តង :D ដោយតង់ទីមួយ ត្រឹមនាទី 43 Barcelona សម្រុកបានពីគ្រាប់មកវិញ ដោយ Busquets នៅនាទី 35 និង Inesta នៅនាទី 43 ។ មុនចប់តង់ យើងរកបានមួយគ្រាប់មកវិញ ដោយការបញ្ជូនបាល់ពី Frank Lampard ទៅ Ramires ស៊ុតឆ្កឹះលេងៗ ក៏ចូល :D សឹងតែមិនជឿ ។ នៅតង់ទី 2 Barcelona មានឳកាសបានបាល់ Penalty តែសំណាងអាក្រក់ស៊ុតមិនចូល ដោយកីឡាករ Leo Messi ពេលនោះហើយវាធ្វើអោយយើងមានសង្ឃឹមលេងបិទរហូត ដល់ជិតចប់តង់ Torres បានស៊ុតចប់បញ្ចប់ក្តីសង្ឃឹមរបស់ Barcelona ឡើងវគ្គផ្តាច់ព្រ័ត្រ :D ។
ចូលមកដល់ថ្ងៃផ្តាច់ព្រ័ត្រ បុកពោះទៀតហើយគឺយើងជួបក្រុមខ្លាំង FC Bayern Munich អ្វីដែលកាន់តែបុកពោះទៀតនោះ :D គឺវគ្គផ្តាច់ព្រ័ត្រ នោះធ្វើឡើងនៅទឹកដី FC Bayern Munich ផ្ទាល់តែម្តង គឺនៅ ពហុកីឡាដ្ឋាន Allianz Arena ក្នុងប្រទេសអាល្លឺម៉ង់។ ពេលនោះ យើងប្រើយុទ្ធសាស្រ្តដដែល គឺយុទ្ធសាស្រ្តបិទ តែម្តងដែលគេហៅថា Park The Bus :D យុទ្ធសាស្ត្រនេះគឺ សាហាវណាស់គឺបិទ 100% តែម្តង :D កាលនោះគឺអស់សង្ឃឹមម្តងហើយ ម្តងទៀត គឺដំបូងឡើយជិតចប់តង់ គឺ Muller បានស៊ុតចូលទៅហើយ តែសំណាងបាន វិរៈបុរស Chelsea គឺ Didier Droga បាន ស៊ុតតាមស្មើរ ក៏បានបន្តរហូតដល់ចប់តង់តែម្តង ការអស់សង្ឃឹមមួយទៀតគឺបានមកដល់គឺ Drogba បានបង្ករកំហុសទៅលើ Roben នៅក្នុងតំបន់គ្រោះថ្នាក់ អជ្ញាកណ្ដាលក៏បានផ្តល់បាន Penalty អោយទៅក្រុម FC Bayern Munich តែសំណាងក៏នៅតែមាន Roben ស៊ុតមិនចូល ការប្រកួតក៏បានបន្តរហូត ដល់ការកាត់សេចក្តីដោយ បាល់ Penalty ការអស់សង្ឃឹមក៏កើតមានឡើងសារជាថ្មីទៀត :D គឺ Mata របស់ Chelsea ស៊ុតបាល់បើកឆាកមិនចូល :( តែជាសំណាង កីឡាកររបស់ FC Bayern Munich ស៊ុតមិនចូលដល់ទៅ 2 នាក់ គ្រាប់បាល់ចុងក្រោយមកដល់ Drogba ក៏បានស៊ុតចូល ពេលនោះ ខ្ញុំជាមួយមិត្តភក្តិស្រែកហ៊ៅ ទាំងយប់ព្រោះថារំភើប :D :D :D មានតែប៉ុណ្ណឹង :D ៕