ថ្ងៃទី 18 ខែ មករា ឆ្នាំ 2018

 ថ្ងៃនេះមេឃអួរអាប់ទៀតហើយ ថ្ងៃនេះលក់អត់ដាច់សោះ ក្នុងអារម្មណ៍ពិតជាធុញណាស់ ចង់ឃើញម៉ាក់លក់ដាច់ ចង់ឃើញគាត់រីករាយ ចង់មានពេលសម្រាកដូចជាអ្នកដទៃ។
​ សួស្តីអ្នកទាំងអស់គ្នា សុខសប្បាយទេ? រីករាយទេ? មិនបាច់សួរខ្ញុំវិញទេ ខ្ញុំសុខ តែខ្ញុំមិនរីករាយទេ។ តើអ្នកទាំងអស់គ្នាអាចប្រាប់ខ្ញុំបានទេ ធ្វើបែបណាទើបរីករាយ ? ខ្ញុំចង់ប្រាប់អ្នកទាំងអស់គ្នារឿងមួយ អោយតែពេលខ្ញុំទំនេរ ខ្ញុំធុញ គឺខ្ញុំមកទីនេះសរសេរអត្ថបទហើយ ព្រោះវាជាកន្លែងដែលខ្ញុំតែងតែសរសេររៀបរាប់រឿងដែលមិនសប្បាយចិត្តនៅទីនេះ ព្រោះមិនដឹងប្រាប់អ្នកណាក្រៅពីមកសរសេរអត្ថបទនៅទីនេះ ខ្ញុំមិនសូវមានមិត្តច្រើនទេ ហើយមិត្តខ្ញុំក៏មិនទំនេរមកស្តាប់ខ្ញុំត្អួញត្អែដែរ គេមានការងាររបស់គេ ហាសហា។ ខ្ញុំចង់សួរអ្នកទាំងអស់គ្នាមួយទៀត តើគ្រប់ពេលដែលអ្នកទាំងអស់គ្នាធុញ មិនសប្បាយចិត្ត តើអ្នកទាំងអស់គ្នាធ្វើអ្វី ? ខ្ញុំសង្ឃឹមថាមាន មិត្តអ្នកអាន អាចមកដល់ទីកន្លែងនេះ ហើយអាច comment ប្រាប់ខ្ញុំថា ពេលមិនសប្បាយចិត្ត គេធ្វើបែបនេះ ដើម្បីសំលាប់ពេលវេលាដែលមិនល្អ។ ថ្ងៃនេះដូចជារៀងស្ងាត់ជាងម្សិលមិញ លក់បានត្រឹមតែ មួយគ្រឿទេ មិនគ្រប់ថ្លៃចងដៃមង្គលការគេផង។ ខ្ញុំឆ្ងល់ដល់ហើយមានគេម្នាក់ជីវភាពដូចជាធូរធារជាងខ្ញុំ តែឆ្ងល់ណាស់ មួយថ្ងៃៗ គិតតែ Post អត់លុយ មិនហ៊ានទិញនេះ ទិញនោះ ធុញណាស់ឃើញម្តងៗ ចង់តែ Unfriend ចោលទេហាសហា។
 ថ្ងៃនេះមានតែប៉ុណ្ណឹងទេ សង្ឃឹមថាអ្នកទាំងអស់គ្នាមិនប្រកាន់ខ្ញុំទេ ហើយរីករាយនឹងអាននូវអត្ថបទដែលខ្ញុំបានសរសេរ :D ។ លាហើយ៕